Cabugao, Ilocos Sur – Naaramid ti panagbisita dagiti Delegado ti Filipino Sakada ti Hawaii ditoy ili ti Cabugao, Ilocos Sur ken iti Sakada Monument & Shrine a masarakan idiay Salomague Port, Barangay Salomague, Cabugao, Ilocos Sur idi Pebrero 10, 2018.
Indauluan ni Mayor Josh Edward S. Cobangbang dagiti namasangbay kadagiti Bisita ken naregget dagiti umili ti Cabugao a nangpasungad kadagiti sangaili.
 |
| CLICK HERE TO VIEW MORE PHOTOS |
Napadaanan ti panagsangpet ti Delegasion ti Hawaii iti Sakada Shrine. Kapasan ti Wreath Laying Ceremony, nangipaay ti Mensahena ni Mayor Josh Edward S. Cobangbang. Kuna ni Mayor Josh Edward a naimbag unay a mataliaw ken mabigbig dagiti sakripisio dagiti Sakada a nakaigapuan ti pannakagun-od ti balligi dagiti kailian ken iti komunidad ti Filipino iti Hawaii.
Innayonna a daytoy a panagbisita ken iti panangbigbigda iti naballigi a gapuanan dagiti Sakada ket napintas a maimatangan ti agsumbangir ken dagiti Delegado kadagiti kadaraan a Filipino idiay Hawaii ken dagiti umili ti Cabugao, Ilocos Sur.
Naaramid ti Presentation ti Salomague Barangay Council & RIC. Kalpasan ti piktorial, naaramid ti Press Conference iti nadakamat a disso.
Naituloy ti Programa iti Cabugao Cultural and Sports Complex, Brgy. Rizal, Cabugao, Ilocos Sur iti karabiyan dayta a petsa.
 |
| CLICK HERE TO VIEW MORE PHOTOS |
Immuna a naaramid ti Ritual Dance babaen kadagiti kameng ti Nagsincaoan Tribal Dancers (ubbing) a tinarawidwidan ni Mr. Nick Bingas.
Naisaganad ti Welcome Remarks ni Ms. Julianne Ubungen.
Kabayatan ti panaglak-am iti naisagana a pagtaraon, tinokaran ida dagiti kameng ti “Angklung” instrumento a naaramid iti Kawayan babaen kadagiti napili nga ubbing manipud iti CSCS ken iti CNCS.
Naaramid ti Presentation of Delegates kalpasanna.
Kalpasan ti intermission ti DepEd Folk Dancers, nagsarita ni Consul Valerie Poindexter.
Kimmablaaw ken nagyaman. Impeksana ti panagyamanna iti naimatanganna a kinairut ti panaglangen ti Estado ti Hawaii ken iti LGU-Cabugao kasta metten iti napateg a lagipen a gapuanan dagiti Sakada iti panagtrabahoda ken naipaayda a pagimbagan iti gobierno, komunida ken iti pamiliada ditoy Pilipinas.
Nag-Mensahe met da Atty. Rose Bautista ken ni Hon. Eileen O’Hara, Opisiales ti Delegasion.
 |
| CLICK HERE TO VIEW MORE PHOTOS |
Nagsarita ni Pasado Mayor Edgardo “Ediboy” S. Cobangbang, Jr. Kimmablaaw ken nagyaman iti amin a naitaripnong iti dayta a gundaway. Bininsana ti pateg iti gapuanan dagiti Sakada; iti pagimbagan a naipagtengda para iti umili agraman iti Sisterhood iti County City of Hawaii ken iti ili a Cabugao.
Naipabuya ti panagkanta dagiti kameng ti Cabugao DepED Teacher’s Choir.
Impabuya met dagiti Delegado ti Hawaii iti talentoda iti panagkanta ken iti panagsala a nangparagsak pay kadagiti nagbuya.
Nagtokar met dagiti kameng ti Angklung manipud iti LGU-Cabugao ken iti DepED Cabugao a nangparagsak pay iti nadakamat a programa.
Kalpasan ti programa ket naaramid ti grupo a piktorial.
Nakikaysa iti programa da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; Mrs. Jerlie Seguban-Cobangbang; dagiti Department/Section Heads/Personnel ti LGU-Cabugao, Bisita ken Opisiales ti Ili.
Nagpaay nga Emcee da Mr. Paul Benedict N. Yacap ken ni Ms. Jocelle Singson, agpada a mangisursuro iti DepED Cabugao. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment