Cabugao, Ilocos Sur – Segun ken ni Municipal Rice Program Coordinator Nathaniel B. Galamgam, adda ita 300 ektaria a matalon kadagiti 33 a barangay ti ili a pakasarakan iti disso dagitoy a 2nd Crop Riceplant Area ita a 2nd Crop (Nobiembre 2018 - Pebrero 2019).
Iti pannaki-amad ti Web In-Action iti, kuna ti Municipal Rice Program Coordinator nga addan 90 porsiento ti namulaanda ket adda pay laeng ti danum a mausar nga aggapu iti puttotda iti Cabugao River nga usarenda a mangpatan-ay kadagiti mulada agingga iti bulan ti Pebrero 2019 a panagapitda kasta metten iti irigasion; bubon ken ubbog.
Innayonna dagiti kangrunaan a paggapuan ti suplay ti padanum a kas iti Fully Irrigated Canal; Shallow Tube Well (STWs); Spring (ubbog) ken iti Open Water.
Kabayatanna, imbatad dagiti 2nd Crop Planters a dakkel ti naaramidan iti inputs nga intulong ti LGU-Cabugao kas iti bukel ken ganagan kadagiti mannalon a nag-2nd Crop iti agdama.
Imbatad ni Mr. Galamgam a mamantener pay laeng iti rice self-sufficiency ti Munisipalidad iti agdama.
Manamnama a maapitan dagitoy a lokasion ti pagtatalonan ti 2nd Crop 2018-2019 ken mangnayon iti metrika-tonelada a produksion iti naapit iti Wet Season 2018 (Hunio-Nobiembre). # (Web In-Action)
No comments:
Post a Comment