Cabugao, Ilocos Sur – Maang-angay pay laeng ti opisial a pannakaiyallawat dagiti naruk-atan a Farm Equipments ken Farm Implements ken kanaigna a ramit ken mausar iti panagtalon a naggapu iti LGU-Cabugao, Ilocos Sur a para kadagiti mannalon iti Cabugao, Ilocos Sur.
Idadauluan ni Mayor Josh Edward S. Cobangbang dagiti Opisiales ti Ili ken Pederasion Dagiti Mannalon kadagiti barangay a nakaeskediulan ti panagibunong kadagitoy a ramramit ken kadagiti lumugar a pakaitedan dagitoy a ramit. Naiyawat iti imatang dagiti lumugar kadagiti nakaeskediul a barangay a pakaitedan dagitoy a ramit a kas iti sumaganad:
Barangay Carusipan
Barangay Arnap
Barangay Cuantacla
Barangay Lipit
Barangay Cacadiran
Barangay Cuancabal.
Idadauluan ni Mayor Josh Edward S. Cobangbang dagiti Opisiales ti Ili ken Barangay iti nadakamat a distribusion ken imatangan dagiti Kameng ken Opisiales ti Pederasion Dagiti Mannalon nga idauluan ni Farmers Federated President Modesto P. Ronque kasta metten dagiti nadumaduma a sektor a masakupan dagiti barangay.
Iti Mensahe ni Mayor Josh Edward S. Cobangbang, dinakamatna ti pateg ti agtultuloy a napintas a kammayet dagiti kameng ti Asosasion/Bumarangay ken iti LGU-Cabugao ta insegida a maaksionan dagiti kalikagumda.
Innayonna a no napintas ti pannakaiyimplimentar ti usar dagitoy a naited a ramit ket manayonanto manen iti ad-adu pay a proyekto a pagimbagan dagiti mannalon.
Nagsarita met dagiti Opisiales ti ili a makikaykaysa iti distribusion nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee ken ni SBM Josefina S. Vallejo.
Nagyaman met dagiti Kapitanes ti Barangay; Presidente ti Asosasion dagiti Mannalon agraman kadagiti lumugar kadagitoy a naited a proyekto/ramit iti LGU-Cabugao. # (Web In-Action)
No comments:
Post a Comment