Cabugao, Ilocos Sur – Naangay ti Awarding/Ceremonial Turn-over ti nagduduma ti klasena a Farm Equipments kas iti 49 Units ti 7 HP Diesel Water Pump; 63 Units ti 2.5 HP Electric Pump; 34 Units ti 5 Horsepower Gasoline Water Pump; 8 Units ti 3.5 HP Gasoline Water Pump; 4 Units ti 14 HP High Powered Diesel Water Pump ken 3 Units ti 12.5 HP Diesel Water Pump.
Iti Farm Implements, daytoy ket nakabuklan ti maited a 1,300 a Plastic Drums; 620 Rolls Irrigation Hose, De Dos; 500 Rolls Irrigation Hose , 1 1/2 ken 170 Rolls Irrigation Hose, 1 ¼.
Dagitoy a ramit ket naited kadagiti Asosasion ti Mannalon ken iti Barangay kadagiti barangay ti ili a Cabugao, Ilocos Sur nga inimatangan dagiti nagatendar ken dagiti LGU Personnel a timmulong idiay Cabugao Cultural and Sports Complex, Barangay Rizal, Cabugao, Ilocos Sur idi Nobiembre 14, 2018.
Dagitoy a maited a ramit ken kasapulan ket nagtaud iti pundo ti RA 7171 a mabatayan ti Munisipio.
Nakikaysa da Mayor Josh Edward S. Cobangbang; Vice Mayor DJ Savellano ken dagiti kameng ti Sangguniang Bayan nga isuda SBM Atty. Randy Baniaga G. Kinaud, Committee Chairman on Agriculture; SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Dodgie S. Santella; SBM Jayhan Alcid-Tan; SBM Atty. Bryan Jett S. Pano ket binayabayda ni Mayor Josh Edward a nangiyallawat kadagitoy a ramit ken kasapulan ti agrikultura kadagiti maseknan nga umawat.
Sakbayna, naangay ti ababa a programa nga inatendaran dagiti kameng ti Asosasion agraman dagiti Opisiales ti ili ken kameng iti Konseho ti Barangay ken Kapitanes a nagatendar.
Naaramid ti Blessing dagiti Farm Equipments ken Farm Implements babaen iti panangannong ti Parish Priest ti Cabugao Catholic Church.
Nagsarita ni Mayor Josh Edward S. Cobangbang ket kinunana a maisubsubli iti tao dagiti kontribusionda nga isu ti nakaigapuan iti pannakaadda iti RA 7171 a bingay ti Munisipio. Dinakamatna iti agtultuloy koma ti nasayaat a panangmantener dagiti maseknan a sektor a mangsagrap kadagiti maited a pagimbagan ken pagsayaatan a maipaayna ken iti panagtitinnulong ti tunggal maysa iti panangpadur-as pay ti ili.
Nagsarita met ni SBM Randy Baniaga G. Kinaud, Committee Chairman on Agriculture. Anag ti Mensahena iti panagyaman ken nasayaat a pannakausar dagitoy a maited a para iti pannakaidur-as ti produksion ken mangitag-ay ti panagbiag dagiti kaaduan.
Nakikaysa met da Mr. Nathaniel B. Galamgam, Municipal Farmer Coordinator ken ni Mr. Edgar S. Balangatan, Project Coordinator iti nadakamat nga awarding.
Nagpaay nga Emcee ni Farmers Federated President Modesto P. Ronque. Timmulong met dagiti Personnel ti Munisipio iti nadakamat nga aktibidad. # (Web In-Action)
No comments:
Post a Comment