Cabugao, Ilocos Sur - Nagun-od ni Nadine Ferl U. Mata, Grade 7 iti Cabugao National High School, Barangay Turod, Cabugao, Ilocos Sur ti Exemplary Child babaen iti naiwayat a Search for Provincial Exemplary Pantawid Pamilya Children 2018.
Napili ti nadakamat nga agad-adal iti pakontes iti babaen ti DSWD Regional Field Office 1, San Fernando City, La Union sakbayna ket tinarabay dagiti pannakabagi ti Municipal Operations Office ti 4 Ps iti Munisipio ti Cabugao, Ilocos Sur nga indauluan ni Ms. Rosemarie C. Pespes, 4 Ps Municipal Link.
Kalpasan ti Flag Ceremony idi Nobiembre 5, 2018, napadayawan ni Nadine Ferl U. Mata iti imatang ti Pamilia LGU agraman iti mangisursuro a nangtartarabay kenkuana nga isu ni Ms. Rocilyn Sabaten iti Cabugao NHS ken kasta metten dagiti pannakabagi ti 4 Ps Municipal Link ti ili a Cabugao, Ilocos Sur.
Kanaig daytoy, naited met ti pammadayaw iti LGU-Cabugao, Ilocos Sur babaen iti pannakaiyawat ti Certificate of Appreciation nga inted ti DSWD Regional Field Office 1 ken ni Mayor Josh Edward S. Cobangbang maigapu iti suporta ken kooperasion ti Gobierno Lokal iti nadakamat a pakontes: Search for Provincial Exemplary Pantawid Pamilya Children 2018.
Nakikaysa iti nadakamat nga awarding da SBM Danny Q. Gazmen; SBM Vicky S. Serna; SBM Josefina S. Vallejo; SBM Atty. Randy Baniaga G. Kinaud; Miss Aida S. Cueto; Miss Juliet Madriaga ken ni Mrs. Lydia S. Gazmen, MSWD Officer ti LGU-Cabugao. # (Web In-Action)
No comments:
Post a Comment