Cabugao, Ilocos Sur – Naangay ti Pay-out wenno pannakaited ti Social Pension ti 1,623 a Beneficiaries (babbaket ken lallakay) a kameng ti Senior Citizens ti ili a Cabugao ket inawatda ti 3rd ken 4rth Quarter ti 2018 (Hulio-Disiembre) a pensionda manipud iti DSWD RFO 1. Naangay ti Pay-out iti Cabugao Cultural and Sports Complex, Barangay Rizal, Cabugao, Ilocos Sur idi Nobiembre 6, 2018.
P500 ti kada bulan ti naituding nga awaten ti maysa a Beneficiary.
Pakabuklan ti innem a bulan (P3,000) ti naawatda iti tunggal maysa a resipiente.
Indauluan ni Mrs. Lydia S. Gazmen, Municipal Social Welfare Development Officer dagiti kakaduana a nangtarabay kadagiti Pay-out Team iti Municipal Treasurer’s Office ken kadagiti nataengan nga immay nangala ti pensionda ditoy Complex. Timmulong dagiti Personnel ti Municipal Treasurers Office a nagasikaso kadagiti nataengan a mangala iti pensionda.
Nagatendar dagiti Opisiales ti Ili a nangibagi ken ni Mayor Josh Edward S. Cobangbang nga isuda SBM Dr. Jemaima S. Tan-Yee ken ni SBM Vicky S. Serna iti nadakamat a Payout. # (Web In-Action)
No comments:
Post a Comment