FARM EQUIPMENTS/IMPLEMENTS, MAIBUMBUNONG KADAGITI BUMARANGAY

Cabugao, Ilocos Sur – Maang-angay ti opisial a pannakaiyallawat  dagiti naruk-atan a Farm Equipments ken Farm Implements a nakabuklan dagiti sumaganad: 49 Units ti  7 HP Diesel Water Pump;  63 Units ti 2.5 HP Electric Pump; 34 Units ti 5 Horsepower Gasoline Water Pump; 8 Units ti 3.5 HP Gasoline Water Pump; 4 Units ti 14 HP High Powered Diesel Water Pump ken 3 Units ti 12.5 HP Diesel Water Pump.

CLICK HERE TO VIEW MORE PHOTOS

Iti Farm Implements, daytoy ket nakabuklan ti maited a 1,300 a Plastic Drums; 620 Rolls Irrigation Hose,  De Dos; 500 Rolls Irrigation Hose , 1 1/2  ken 170 Rolls Irrigation Hose, 1 ¼. ken kanaigna a ramit ken mausar iti panagtalon a naggapu iti LGU-Cabugao, Ilocos Sur a para kadagiti mannalon iti Cabugao, Ilocos Sur.

Indauluan ni Mayor Josh Edward S. Cobangbang ken binayabay dagiti Opisiales ti Ili ken Pederasion Dagiti Mannalon a nagturong kadagiti barangay a nakaeskediulan ti panagbunong kadagitoy a ramramit ken kadagiti lumugar a pakaitedan dagitoy  a ramit. Narugian ken agdama ita a maiyaw-awat iti imatang dagiti lumugar   kadagiti  nakaeskediul a barangay a pakaitedan dagitoy a ramramit a kas iti sumaganad:

Brgy. Sagayaden

Brgy. Pila

Brgy. Pug-os

Brgy. Dardarat

Brgy. Aragan

Brgy. Alinaay

Brgy. Nagsincaoan 

Brgy. Bonifacio. 

Indauluan ni Mayor Josh Edward S. Cobangbang ken binayabay dagiti Opisiales ti Ili ken Barangay iti nadakamat a distribusion ken inimatangan dagiti Kameng ken Opisiales ti Pederasion Dagiti Mannalon nga idauluan ni Farmers Federated President Modesto P. Ronque kasta metten dagiti nadumaduma a sektor a masakupan dagiti barangay.

Nangipaay ti Mensahe ni Mayor Josh Edward S. Cobangbang. Kimmablaaw ken nagyaman. Dinakamatna  ti agtultuloy a napintas a kammayet dagiti kameng ti Asosasion/Bumarangay  ken iti LGU-Cabugao  ta insegida a maaksionan dagiti kalikagumda.

Innayonna a no napintas ti pannakaiyimplimentar ti usar dagitoy a naited a ramit ket manayonanto manen iti ad-adu a proyekto a pagimbagan dagiti mannalon.

Nagyaman met dagiti Kapitanes ti Barangay; Presidente ti Asosasion dagiti Mannalon  agraman kadagiti lumugar kadagitoy a naited a proyekto/ramit  babaen iti LGU-Cabugao.

Nakikaysa met ni  SBM Danny  Q. Gazmen; SBM Dr. Jemaima S. Tan-Yee;  SBM Josefina S. Vallejo ken ni Mr. Edgar S. Balangatan, Project Coordinator   kadaytoy a nakaeskediul a distribution ceremonies kadagiti barangay. # (Web In-Action) CLICK HERE TO VIEW MORE PHOTOS