HOLY MASS, NAARAMID PARA ITI BULAN TI OKTUBRE 2016

Cabugao, Ilocos Sur – Naaramid ti Binulan a Misa  ti Pamilia-LGU Cabugao idi  Oktubre 4,  2016  babaen iti panangannong ni Rev. Fr. Felix Costales, Parish Priest, St. Mark the Evangelist, Cabugao, Ilocos Sur nga inatendaran dagiti kameng ti Pamilia LGU-Cabugao babaen iti liderato ni Mayor Josh Edward S. Cobangbang. Naaramid ti panagtataripnong dagiti nakimisa    iti uneg ti SB-ABC Hall.

Ti pannakaangay ti Nasantuan a Misa ket binulan a maar-aramid ditoy Munisipio a kas pangitandudo ti Pamilia-LGU iti naespirituan a paset ti panagserbisioda  ken panangipaayda  iti panagyaman iti naruay a parabur nga it-ited ti  Apo a Namarsua iti sapasap.  # (Web In-Action)

MONTHLY MEETING TI SENIOR CITIZEN ITI OKTUBRE 2016, NAANGAY

Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens  Association iti Oktubre  4, 2016 (1st Tuesday) iti bulan  ket naaramid ti mitingda iti Senior Citizen’s Center, Brgy. Rizal, Cabugao, Ilocos Sur.

Kaaduan kadagiti Opisiales ti nakimiting ket naregtada a nakipaset iti pannakatratar dagiti naisagana a mapagsasaritaan a kas iti pannakapadayaw dagiti agkasangay a nataengan ita a bulan ti Oktubre 2016; pakaseknan ti Death Aid ken ti Prayer Service kadagiti natayan a kameng; dagiti aktibidades nga aramidenda inton madanon ti Elderly Week Celebration iti Oktubre 2016.

Impakaammo ni Mr. Bonifacio Somera, Presidente a nagatendar da  Mr. Remigio Sunico, OSCA Head iti nasao a miting ken ni Mrs. Lucila S. Somera, pannakabagi ti LGU-Cabugao kadagiti nataengan.

Innayon ni Mr. Somera nga itultuloyda a  trinatar  iti maipapan ti napintas a koleksion ti Saranay-da tapno adda latta madadaan a mausar kadagiti kameng a mabenepisiaran; updating ti kameng ti Senior Citizens iti kada barangay ken iti Regular a Monthly Accomplishment Report iti Pederasion-da ta kasapulan met daytoy nga aramidenda. 

Kabayatanna, naiballaet a napagsasaritaan  iti pakaseknan ti Financial Status ken dagiti account payable a gungun-oden ti Pederasion kadagiti maseknan a kameng. # (Web In-Action)

TEACHERS DAY, NAGSELEBRAR TI CABUGAO NORTH CS

Cabugao, Ilocos Sur – Nagselebrar ti Cabugao North Central School nga idauluan ni Mrs. Estrellita Munar Siruno, Principal II, CNCS   iti “Teachers Day”  (school-based)  iti Oktubre 4, 2016 iti Cabugao Cultural and Sports Complex, Brgy. Rizal, Cabugao, Ilocos Sur a pangbigbig ti naindaklan a propesion  dagiti mangisursuro. Daytoy  a Teacher’s Day ket napagkaykaysaan a maselselebraran iti intero a Pilipinas iti tinawen.

Nagkaykaysa dagiti mangisursuro ti Cabugao North Central School a nagselebrar babaen iti panangorganisar  ti Pupils Student Government ti programa a kas Tribute-da kadagiti Teachers.

Kalpasan nga ipakaammo  ni Mrs. Siruno ti panagrugi ti  selebrasion, naipabuya dagiti intermission number dagiti nadumaduma a Grade Levels agraman ti Kindergarten a kas pangparagsakda  iti nasao a programa.

Naragsakan   dagiti ubbing, mangisursuro, nagannak  ken sangaili a nagbuya. 

Kanaig daytoy nga aktibidad iti pannakaselebrar ti National Teachers Month (Setiembre 5-Oktubre 5) ita a Tawen 2016  babaen iti Tema: “Guro, Kabalikat sa Pagbabago” maibatay iti pammilin ti Presidential Proclamation 242-2011 ken iti probision ti  RA No. 10743-2016 a mangideklarar iti Oktubre 5 a “National Teachers’  Day”.  # (Web In-Action)

27TH NATIONAL STATISTICS MONTH (NSM) AND 13TH NATIONAL CONVENTION ON STATISTICS (NCS)

The month of October of every year was declared as the National Statistics Month pursuant to Presidential Proclamation No. 647, issued on 20 September 1990 by then President Corazon C. Aquino with the objectives to promote, enhance and instill nationwide awareness and appreciation of the importance and value of statistics to the different sectors of society; and to elicit the cooperation and support of the general public in upgrading the quality and standards of statistics in the country.

Now on its 27th year, the National Statistics Month (NSM) celebration coincides with the 13th National Convention on Statistics (NCS) on October 3-4, 2016. The NCS is being conducted every three years by the Philippine Statistical System (PSS) which aims to provide a forum for exchanging ideas and experiences in the field of statistics and for discussing recent statistical developments and prevailing issues and problems of the PSS; and to elicit the cooperation and support of statisticians and professionals in related field from the government, academe and private sector towards a more responsive statistical system.

For this year, the overall theme is “Sustainable Development: Making Statistics Count.” Various activities will be conducted for the whole month of October sponsored by the different national government agencies (NGAs), government-owned and controlled corporations, local government units, academe, as well as private companies and organizations. These activities include symposia, workshops, orientation-seminars, exhibits, slide shows and publications of statistical reports, indicators and other relevant information, among others, with particular emphasis on the theme. Streamer/tarpaulin will also be posted on the building facade of the Departments/agencies at the central and regional levels and local government units throughout the month of October. #  Source – www.dilg.gov.ph

GRUPO DAGITI MANGISURSURO, PINADAYAWAN TI LGU-CABUGAO

Cabugao, Ilocos Sur – Kalpasan ti Flag Raising Ceremony ti Pamilia-LGU iti Oktubre 3, 2016, pinadayawan ti Local Government Unit (LGU)-Cabugao, Ilocos Sur babaen iti Resolusion No. 58, Series of 2016  a pinanday ti Sangguniang Bayan idi Setiembre 26, 2016 iti nadakamat nga ili para kadagiti Mangisursuro iti nadumaduma a benneg wenno tukad ti Edukasion iti Publiko ken Pribado (Elementaria, Sekundaria) iti ili a Cabugao, Ilocos Sur.

Daytoy a Resolusion ket pinutar ni SBM Atty.  Bryan Jett S. Pano ken pinagkaykaysaan dagiti kameng ti Konseho Munisipal babaen iti panangidaulo ni Temporary Presiding Officer SBM Danilo Q. Gazmen ken inaprobaran ni Mayor Josh Edward S. Cobangbang kalpasanna.

Linaon ti Resolution No. 58 ti panangbigbig ti Konseho Munisipal iti akem ken sakripisio dagiti Teachers  a mangmulmuli kadagiti ubbing ken agtutubo para iti masanguanan a pagsayaatan ti Munisipalidad ti Cabugao. Mainaig daytoy a pammadayaw iti pannakaselebrar ti National Teachers Month (Setiembre 5-Oktubre 5, 2016) babaen iti Tema: “Guro, Kabalikat sa Pagbabago” manipud iti mandato ti Presidential Proclamation 242-2011 ken ti RA No. 10743-2016 a mangideklarar ti Oktubre 5 a “National Teachers’  Day”

Saggaysa a napan inawat dagiti pannakabagi dagitoy a tukad/pagadalan kas iti sumaganad: Elementary Level, DepED Cabugao babaen kada Public Schools District Supervisor Dr. Consesa T. Rumias, Ed. D. a kinadua ni Mrs. Estrellita M. Siruno, Principal II, Cabugao North CS; Miss Maria S. Rondon, Principal, Cabugao Institute; Ms. Velma Repollo, Pangulo ti Pug-os National High School; Mrs. Felipa B. Asuncion, Pangulo ti Cabugao National High School; Mr. Ma. Chito Agbulos, Pangulo ti Lipit NHS; Mr. Roger Dacanay, Pangulo ti Sisim NHS; Pannakabagi ti UCCP-Preschool ken Sacred Heart of Jesus Pre-school; Mr. Rudy Ilar, Day Care Worker ken Presidente ti Federated Day Care Workers ti ili a Cabugao kasta metten iti benneg dagiti Retired Teachers nga ibagian ni Mr. Remigio Sunico, Retired District Supervisor ti ili a Cabugao. 

Nangipaay ti  Mensahe ni SBM Pano ket bininsana ti pateg ti sakripisio dagiti mangisursuro a manghulma kadagiti ubbing ken agtutubo  ket katulongan ida dagiti nagannak ken ti Gobierno Munisipal a mangpaprogreso pay ti ili a Cabugao. 

Kabayatanna, naiyam-ammo ti panagserbisio ti  kabarbaro a Doktor iti RHU-Cabugao babaen ken ni Mrs. Janet Sison, Public Health Nurse kasta metten a naipakaammo dagiti LGU Official and  Employees nga agkasangay iti bulan ti Oktubre 2016.  Kinantaan ida ti Pamilia-LGU a pangparagsak iti panagkasangayda.  # (Web In-Action)

SERBISIO TI KABARBARO A DOKTOR TI RHU-CABUGAO, NARUGIAN

Cabugao, Ilocos Sur - Rinugianen ni Dr. Bettina V. Ramos,  M.D.,    natudingan ken  kabarbaro a Doktor   iti  Municipal Rural Health Unit ti ili a Cabugao ita nga Oktubre 3, 2016 a no sadino a ditoy ket agagas  kadagiti sakit dagiti mapan agparikna nga umili iti inaldaw. 

Naiyam-ammo ti panagserbisio ti  kabarbaro a Doktor iti RHU-Cabugao babaen ken ni Mrs. Janet Sison, Public Health Nurse iti imatang ti Pamilia-LGU kalpasan iti Flag Raising Ceremony iti Oktubre 3, 2016.

Kabayatanna, maysa   kadagiti  prayoridad a programa ti Gobierno Munisipal nga idauluan ni Mayor Josh Edward S. Cobangbang  iti agdama  ket iti agtultuloy a pannakataming iti salun-at dagiti umili ti Cabugao. 

Imbatad ni Mrs. Janet Sison, Public Health Nurse a nakasapulan ti akem ti  maysa a Doktor nga agamiris ti sakit ken agagas. 

Ni Dr. Ramos ket Taga-San Juan, Ilocos Sur ken anak ni Mrs. Beverly Ramos, agdama nga Empleado ti Department of Health (DOH). Nagturpos ken naipasana ti Eksamen iti Kurso a Medisina sakbay iti yuumayna panagserbi iti ili a Cabugao. # (Web In-Action)

3rd DAY TI UNIT 1 SPORTS COMPETITION 2016, RISIRIS DAGITI GAMES

Cabugao, Ilocos Sur – Iti maikatlo nga aldaw (Setiembre  30, 2016) a pannakaaramid dagiti Games iti  2016 Unit 1 Sports Competition ket naregget ti risiris dagiti Team a nakaeskediul iti  salip dagiti atleta kadagiti pageskuelaan ti uppat a Munisipalidad ti 1st District, Ilocos Sur. 

Kabayatanna, nausar dagiti pasilidad ti Sports iti Cabugao Athletic Oval (Freedom Park), Social Hall ti Cabugao South Central School,  Covered Court ti Barangay Bonifacio, CI Quadrangle  ken iti Cabugao Cultural and Sports Complex ti Barangay Rizal iti pannakaaramid dagiti ay-ayam.

Agtultuloy met ti ipapan pannakitinnarabay  da  SBM Atty. Bryann Jett S. Pano, Committee Chair on Youth and  Sports kadagiti pagay-ayaman a kaduana ni District PESS Coordinator Ronel M. Ubaldo.

Kabayatanna, aktibo latta met a nakigamulo iti paay-ayam dagiti Opisiales/Kameng a mangbukel iti Steering Committee a buklen dagiti nadutokan nga Empleado ti DepED/LGU   a nakinaming/tumulong  iti panagannayas iti   unos ti tallo nga aldaw (Setiembre 28-30) ken iti Game Proper a maar-aramid  iti Unit 1 Sports Competition 2016   ditoy Cabugao.

Naregget met dagiti pannakabagi ti PNP-Cabugao, BPATS/Barangay Tanod/Public Safety (Blue Boys)  nga  agrekrekurida iti uneg ken agiwardas ti Trapiko iti National Highway kasta pay kadagiti  First Aide a buklen dagiti Nurses (RN-Heals), kameng ti Cabugao Rescue ken dagiti Ambulansia iti Munisipio a nakadeploy iti game area (Freedom Park). 

Naregta latta met dagiti Clerk of Course/Recorder kasta pay dagiti Announcer/Presentor iti School Stage a mangipakpakaammo iti  pagdurdur-asan ti paay-ayam, panangiyanunsio ti panagsagana dagiti sumaruno nga agsalip a Team  ken  dagiti nangatiw a Team kalpasanna.

Kalpasan ti pannakaaramid iti 15 nga Events, napasamak  ti Awarding iti entablado  ti Cabugao South Central School Backstage babaen iti panangiwardas ni Mr. Elvis A. Tabugader, Chairman, Unit 1 a binayabay dagiti Winning Coaches ken Officiating Officials. # (Web In-Action)