NATIONAL VOLUNTEER MONTH

Presidential Proclamation No. 55 dated December 5, 1988 declares the month of December as National Volunteer Month (NVM).

The NVM serves as the country’s platform to recognize the contributions of the volunteer community to nation building and sustainable development.

With the theme, "Boluntarismo: Daan Tungo sa Pagbabago", this year's NVM is anchored on the Philippine Development Plan 2017-2022 and the Sustainable Development Goals. It calls on every Filipino to become a change catalyst, even in their own simple ways, through organizing and participating in volunteer activities aligned with the local and international development priorities. # Source: www.pnvsca.gov.ph

NATIONAL VOLUNTEER MONTH

Presidential Proclamation No. 55 dated December 5, 1988 declares the month of December as National Volunteer Month (NVM).

The NVM serves as the country’s platform to recognize the contributions of the volunteer community to nation building and sustainable development.

With the theme, "Boluntarismo: Daan Tungo sa Pagbabago", this year's NVM is anchored on the Philippine Development Plan 2017-2022 and the Sustainable Development Goals. It calls on every Filipino to become a change catalyst, even in their own simple ways, through organizing and participating in volunteer activities aligned with the local and international development priorities. # Source: www.pnvsca.gov.ph

AKTIBIDAD ITI BENNEG TI DISTRITO KEN DIBISION, ALERTO A MAKIPASET TI CABUGAO DEPED

Cabugao, Ilocos Sur – Naaramid ti nagsasaruno  nga aktibidades/pakontes  a nakaigamuluan ti Cabugao DepED District a pakabuklan ti 26 a Pagadalan-Elementaria a nakapilian dagiti ubbing a nakipartisipar iti benneg ti Distrito ken iti ruar wenno iti Division a benneg ti DepED. Dagitoy a panagpartisipar ket idadauluan ni Dr. Consesa T. Rumias, Ed. D., Public Schools District Supervisor  iti ili a Cabugao, Ilocos Sur iti bulan ti Nobiembre 2017 agingga iti matapogan ti Disiembre 2017 kas iti sumaganad:

1. 2017 District English Festival a naangay iti Cabugao Cultural and Sports Complex, Brgy. Rizal, Cabugao, Ilocos Sur.

2. SDO Ilocos Sur Athletic Festival 2017. 

3. 2017 Division English Festival.

4. Cabugao District Inter-Troop Camp idiay CPC Camp Site, Barangay  Pug-os, Cabugao Ilocos Sur idi Nobiembre 30, 2017 agingga iti Disiembre 2, 2017. 

Iti tunggal aktibidad/pakontes a nakipartisiparan dagiti agad-adal ket nagkaadu met ti nagun-odda/inyawidda  a pammadayaw a mangitagtag-ay iti Distritoda ken iti ilida.

Dagitoy nga aktibidades a pakaigamgamuluan dagiti ubbing ken mangisursuro ket nagresulta iti pannakanayon iti pannakilangenda iti ruar ti pageskuelaan a mangpadur-as ti kasasaad dagiti ubbing malaksid laeng kadagiti ad-adalenda iti uneg ti klaseda. # (Web In-Action)

INTERNATIONAL DAY OF PERSONS WITH DISABILITIES

The annual observance of the International Day of Disabled Persons was proclaimed in 1992, by the United Nations General Assembly resolution 47/3. It aims to promote the rights and well-being of persons with disabilities in all spheres of society and development, and to increase awareness of the situation of persons with disabilities in every aspect of political, social, economic and cultural. The theme for this year is “Transformation towards sustainable and resilient society for all”
The 2030 Agenda pledges to “leave no one behind”. Persons with disabilities, as both beneficiaries and agents of change, can fast track the process towards inclusive and sustainable development and promote resilient society for all, including in the context of disaster risk reduction and humanitarian action, and urban development. Governments, persons with disabilities and their representative organisations, academic institutions and the private sector need to work as a “team” to achieve the Sustainable Development Goals (SDGs). # Source: www.dilg.gov.ph

DIVERSION DAM KEN TERUVIAN INTAKE TI NIA-GACO, NAINAGORARAN

Cabugao, Ilocos Sur –  Nainagoraran ti naileppasen a Diversion Dam ken Teruvian Intake babaen iti pannakagetteng ti ribbon nga inannong ni Mayor Josh Edward S. Cobangbang agraman dagiti Opisiales ti Ili ken Opisiales/Lumugar iti nadakamat a barangay nga idauluan ni Brgy. Captain  Melito Charito S. Siruno iti Barangay Cacadiran. Naaramid ti inagorasion idi Disiembre 1, 2017 a maysa kadagiti nangkulminar iti selebrasion ti panagkasangay ti Ama ti Ili a Cabugao. IIlocos Sur.

Segun ken ni Mr. Ronald Bersola, Institutional Development Officer ti NIA-Irrigation  Management Office (IMO) ken makasakup iti Gaco Irrigation Project (GIP), Brgy. Cacadiran, Cabugao, Ilocos Sur nga  iti nasao a Diversion Dam ket maserbisyuanna ti umabot iti 1,200 Ektaria  a pagtatalonan iti 13 a barangay a kas iti Cacadiran; Cuantacla; Nagsincaoan; Lipit; Arnap; Turod Patac; Cuancabal; Sagayaden; Baclig; Rizal; Bonifacio; Quezon ken ti Pila nangruna iti Wet Season Crop (Hunio-Nobiembre) iti kada Tawen.

Maipalagip a a narugian ti Gaco Irrigation Project ti National Irrigation Administration (NIA) ket  napuros ti danumna kadagiti tributaries  ti Cabugao River manipud iti Barangay Cacadiran, Cabugao, Ilocos Sur idi Tawen 2012. 

Naisaruno ti pannakabuangay dagiti Turnout Service Area Group (TSAG) iti 13 a barangay a masakupan ti irigasion tapno mabukel dagiti Irrigator’s Association (IA) a nairehistro kalpasanna  iti Securities and Exchange Commission (SEC) idi Tawen  2013.

Kabayatanna, nakikoordinar ni Mr. Ronald Bersola, Institutional Development Officer ti NIA-Irrigation  Management Office (IMO) ken makasakup iti Gaco Irrigation Project (GIP), Brgy. Cacadiran, Cabugao, Ilocos Sur  kadagiti opisiales dagiti nadakamat a barangay agraman dagiti asosasion ti mannalon ket naorganisar ti TSAG ken napederasion dagiti mangbukel ti IAs. 

Idi Hunio 10, 2013, narugian ti seminar iti “Capability Enhancement Training in Managing the Irrigation System (CETMIS). Pinagyamanan ni Mr. Elpidio Sonido, Magarang FIA President ta naikkanda iti adal no kasano a tamingenda iti operasion ken  mentenansia  ti kanal ken iti panagpadanumda babaen  iti panangtarabay ti Opisina ti NIA (ISIMO)-Sta. Maria, Ilocos Sur nga idauluan ni Engr. Adriano F. Amano, MPA, Division Manager A.

Inlawlawag idi ni Mr. Bersola ti akem ti TSAG a mabukel a kas sanga ti IA tapno naannayas ti operasion ken mentenansia ti kanal apaman nga agoperar.

Nabuangay met ti System Management Committee (SMC), kangrunaan a Komite a katinnulong ti Gaco National Irrigation System (GNIS)  a mangtarawidwid iti Operation and Maintenance  iti maserbisyuan a barangay ti ili iti Cabugao, Ilocos Sur idi Mayo 2014.

Nagatendar idi dagiti Opisiales dagiti tallo nga umuna a nabuangay nga Irrigator’s Association (IA)  kabayatan iti pannakatarimaan dagiti pasilidad ken istraktura iti nasao a pagpadanuman a kas iti Magarang Farmer’s Irrigators Association, Cuancabal-Nangaraban IA ken ti Rizal-Baclig IA.

Naaramid pay ti panagsanay iti Financial Management Seminar dagiti mannalon a masakupan ti NIA-Gaco National Irrigation Project (NIP) kadagiti Barangay ti Nagsincaoan, Cacadiran, Arnap, Lipit ken Cuancabal, Cabugao, Ilocos Sur  iti Function Hall, NIA-Gaco-NIP Building, Sitio Cabaroan, Brgy. Cuancabal, Cabugao, Ilocos Sur iti dayta met la a Tawen 2014.

Innayon ni Mr. Bersola a kasapulan a matun-oyan dagiti plano ti Ahensia a pannaka-organisar dagiti maseknan nga IAs tapno adda kakinnoordinarda iti pannakaiwayat ti konstruksion dagiti kanal iti masakupan dagiti nadakamat a barangay ken katinnulongda iti panagoperar ti kanal.

Ti pannakaorganisar ken pannakapatibker dagiti Irrigator’s Associations (IAs) ket paset iti panagoperar ti Gaco Irrigation Project (GIP) a nagun-od a proyekto ti ili a Cabugao babaen iti liderato ni Pasado Mayor Edgardo “Ediboy” S. Cobangbang, Jr.  ken maitultuloy iti agdama nga Administrasion ti LGU-Cabugao nga idauluan ni Mayor Josh Edward S. Cobangbang ken iti Departamento ti Agrikultura (DA) ken kasta metten iti National Irrigation Administration (NIA) a mangbenepisiar kadagiti barangay ti ili a maserbisyuanna.

Ti Gaco NIS ket addaanen iti 1,200  Ektaria  a kalawa ti  matalon (Firm-up Service Area) nangruna iti Wet Season Crop (Hunio-Nobiembre) iti kada Tawen  a suksukayen met ti 1,968  a bilang ti  mannalon. Daytoy ket buklen ti innem nga Irrigator’s Association (IAs) a  kas iti Magarang FIA; Cuancabal-Nangaraban IA; Patac-Alina-ay IA; Rizbac IA; Sagayaden Cabugao Ilocos Sur IA ken PIDAR IA ken 32 a Turnout Service Area Group (TSAG) a mamagkaysa  ti  pamurosanda a kanal iti pagpadanumanda kadagiti pagtatalonanda. # (Web In-Action)

NAPATEG A PAMMADAYAW ITI LGU-CABUGAO, NAITED

Cabugao, Ilocos Sur – Kalpasan ti Flag Raising Ceremony iti Pamilia LGU-Cabugao iti Disiembre 4, 2017 iti sango ti Rizal Barangay Hall, impakaammo  ni  Miss Mimi S. Sison, Human Resource Management Officer ti nagun-od ti Local Government Unit (LGU) Cabugao a Pammadayaw  iti “2017  Seal of Good Local Governance” manipud iti Department of the Interior and Local Government (DILG).

Natudingan ni Mrs. Constancia L. Quinola, MLGO Officer ti LGU-Cabugao a nangipakaammo iti napateg a Pammadayaw ti LGU-Cabugao iti imatang ti pamilia LGU kasta metten kadagiti Opisiales ti Ili ken Barangay ken umili a nakipaset iti pannakaisa ti bandera iti dayta a gundaway.

Inawat ni Mayor Josh Edward S. Cobangbang iti 2017 Seal of Good Local Governance manipud ken ni Mrs. Quinola ken binayabay dagiti Opisiales ti ili nga isuda SBM Danny Q. Gazmen;  SBM  Vicky S. Serna; SBM Atty. Randy Baniaga G. Kinaud; SB Secretary Maxfel S. Suboc ken dagiti Department Heads nga isuda Municipal Treasurer Mrs. Lourdes A. Azcueta; MSWD Officer Mrs. Lydia S. Gazmen; Municipal Assessor Mrs. Lilia S. Flores; Municipal Accountant Mrs. Anna Lyn Siababa ken ni Municipal Civil Registrar Mrs. Rosario Charity S. Abara.

Iti panagsarita ni Mayor Josh Edward, kimmablaaw ken nagyaman iti daytoy a nagun-od a pammadayaw ti LGU-Cabugao. Kunana a daytoy ti maysa a kapatgan a sagut iti panagkasangayna iti Disiembre 1 ken  bigbigenna a maigapu daytoy a pammadayaw iti napintas ken agtultuloy a timpuyog a panagtrabaho ti amin a maseknan iti pannakagun-od kadaytoy a balligi. Insupusopna a daytoy ti napigsa a pakakitaan wenno testamento iti napintas a pannakaimanehar ti Gobierno Lokal kadagiti umili ket mangnamnama a kadagiti sumarsaruno a pasalip ket magun-od manen ti ili a Cabugao iti ad-adu pay a pammadayaw babaen iti napintas a panagkaykaysa nga agtrabaho para iti kaaduan.

Naisaruno a napadayawan ni Mr. Henry Baclig  Saliganan,  Local Farmer Technician (LFT) ti DA-LGU Cabugao nga Outstanding Local Farmer Technician iti Region 1 ket napadayawan ni Mr. Saliganan iti naaramid a 2017 Local Farmer Technician Regional Congress and End-Season Review sadiay Lingayen, Pangasinan idi Nobiembre 22, 2017. 

Inyawat ni Mayor Josh Edward ken ni Mr. Saliganan ti Plaque of Recognition iti panangabak daytoy  ken binayabay kadagiti Opisiales ti Ili nga idauluan Mayor Josh Edward.

Kanayonan daytoy a pammadayaw ti Certificate of Recognition  nga impaay ti Philippine Rice Research Institute  (PhilRice) iti pannakapili ti Cabugao LFT Team a “3rd Best Presenter” iti naangay  a 1st Ilocos Region LFT Congress and End Season Review a naangay iti Pangasinan Training and Development Center, Capitol Compound, Lingayen , Pangasinan idi Nobiembre 22, 2017.

Kabayatanna, gapu kadagitoy a gapuanan,  inesponsoran ni SBM Atty. Randy Baniaga G. Kinaud, Committee Chairman on Agriculture ti Sangguniang Bayan Resolotion No. 87, Series of 2017 a nangited iti Certificate of Commendation ken ni Mr. Henry B. Saliganan iti panangabakna nga Outstanding Local Farmer Technician iti Region 1 kasta metten iti Cabugao LFT Team nga inted ti PhilRice. # (Web In-Action)

PANAGKASANGAY NI MAYOR JOSH EDWARD, NASELEBRARAN

Cabugao, Ilocos Sur – Sangsangkamaysa ti Pamilia-LGU Cabugao a nangkablaaw iti pannakaselebrar ti panagkasangay ni Mayor Josh Edward S. Cobangbang iti Disiembre 1, 2017.

Kabayatanna, impeksa met ni Mayor Josh Edward iti panagyamanna iti panangkablaaw ti Pamilia-LGU ken dagiti kakailianna iti panagkasangayna. 

Kabayatanna, naaramid ti Blessing, Cutting of Ribbon, ken Turn-over dagiti nagduduma a Proyekto a naileppas/nagun-od  babaen iti LGU-Cabugao a kas pangkulminar iti panagkasangay ni Mayor Josh Edward kas iti sumaganad.

Inannong ti Kura Paroko ti Iglesia Romano Katolika ti ili a Cabugao, Ilocos Sur iti pammendision kadagiti baro a pasdek dagiti  proyekto idinto ta ni Mayor Josh Edward ken dagiti maseknan a Kapitanes iti kangrunaan a nanggetteng ti ribbon iti pannakaisibro ken pannakalukat kadagiti naileppas proyekto a kas iti sumaganad:

1.Restoration of Roofing – Sisim National High School, Barangay Sisim, Cabugao, Ilocos Sur.

2.Nakongkreto a Farm-to-Market Road ti Barangay Quezon, Brgy. Quezon, Cabugao, Ilocos Sur.

3.Naaramid a  Diversion Road ken Teruvian Intake iti Barangay Cacadiran, Cabugao, Ilocos Sur.

4.Napatakder a  Police Assistance Center iti Barangay Sagayaden.

5.Naileppas  a  Proyekto ti Barangay Sabang a kas iti sumaganad: Covered Multi-purpose Hall; Fish Processing Center ken iti Turnover ti Fish Processing Equipments; Storage Facility ken Groundbreaking ti Potable Water Supply iti Sabang Elementary School, Barangay Sabang, Cabugao, Ilocos Sur.

Kamalmanna, naaramid ti Distribution of Fishing Gears kadagiti mangngalap iti Namruangan Covered Court, Brgy. Namruangan, Cabugao, Ilocos Sur; pannakainagorar ti Early Child Care Development Building iti Marga-ay Day Care Center, Brgy. Marga-ay, Cabugao, Ilocos Sur; Pannakabendision ti kaar-aramid a Comunal Mini Dam ken Distribution ti Farm Equipments kas iti Hose, Kuliglig with Accessories ken dua a water pump generator idiay Brgy. Reppa-ac, Cabugao, Ilocos Sur; Turnover ti Multi-purpose Shredding Machine iti Green Innovation Consultancy Services; Repair ti Trading Post iti NISTC Food Court.

Ti Lighting of CCP Christmas Tree iti Cabugao Central Park (CCP), Brgy. Bonifacio, Cabugao, Ilocos Sur ti nangipaay iti naisangsangayan a rag-o kadagiti umili a nakaimatang iti pannakasindi iti higante a Christmas Tree a naisaad iti asideg ti Flagpole ti CCP iti bandana iti daya.

Nasangaili iti seremonia ti panagsindi ni Former Congressman Ronald V. Singson a binayabay ni Pasado Mayor Edgardo “Ediboy” S. Cobangbang, Jr. ken dagiti Bisita.  Naitampok iti  sakbay ken kalpasan ti seremonia ti panagtokar ti Aweng ti Kawayan Group  (Angklung) ti ili a Cabugao ken dagiti Drummer iti Sisim National High School, Brgy. Sisim, Cabugao, Ilocos Sur a nangpadaeg ken nangparagsak kadagiti adu a nagbuya iti compound ti CCP.

Kabayatan a naaramid dagiti nadakamat nga aktibidad ket kinablaawan ken kinantaan dagiti kameng/opisiales  dagiti Asosasion a maseknan ni Mayor Josh Edward iti panagkasangayna.

Pinagyamanan met ni Mayor Josh Edward dagiti naruay a kablaaw ken pammadayaw dagiti umili iti kaaldawan ti panagkasangayna.

Nakikaysa dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo ken ni ABC President Thaddeus U. Soller.

Nakipaset pay dagiti Department Heads ti LGU-Cabugao nga isuda Municipal Treasurer Lourdes A. Azcueta; Municipal Accountant Anna Lyn Siababa; MPDC/ Budget Officer Florante S. Jara; SB Secretary Maxfel S. Suboc; HRM Officer Mimie S. Sison; Municipal Assessor Lilia S. Flores; MSWD Officer Mrs. Lydia S. Gazmen; Municipal Civil Registrar Rosario Charity S. Abara;  Municipal Agriculturist Robert S. Savella ken ni Market Supervisor Norma S. Bertumen. Bimmayabay met dagiti Staff iti Office of the Mayor ken dagiti Empleado ti LGU-Cabugao ken kameng ti Municipal Police Station ken Public Safety Personnel iti nagmalem nga aktibidad. (Web In-Action)