SUMMER JOB, INAWAT DAGITI RECIPIENTS TI GUNGGONADA

Cabugao, Ilocos Sur – Naiyawaten  dagiti Tseke nga agbalor ti Sangaribu ket Lima Gasut (P1,500) ti tunggal maysa iti 25 nga agtutubo a nangipaay ti serbisiona iti Summer Job Program nga inesponsoran ti Department of Labor and Employment (DOLE)-Vigan City ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. itay napalabas a Summer Vacation 2013.

Daytoy a kantidad ket paset ti 40% a counterpart ti DOLE iti pannakabayad ti serbisio dagiti nadakamat nga agtutubo. Sakbayna, inteden ti LGU-Cabugao ti pakabuklan ti 60%  ti gatad a pannakabiangna iti daytoy a nadakamat a programa kadagitoy nga agtutubo.

Inawat dagiti Summer Job Participants  ti Tseke-da manipud ken ni Mayor Ediboy iti mismo nga Opisina ti Ama ti Ili  ken timmarabay ken inimatangan dagiti Staff ken Personnel ti Human Resources Management Office (HRMO)-LGU Cabugao nga idauluan ni Ms. Teresita Maximina S. Sison.

Daytoy a programa ti labor  ket nailungalong babaen iti panagkammayet dagiti nadakamat nga Ahensia ken Gobierno Lokal tapno maipaayan ti trabaho dagiti agkasapulan nga agtutubo iti lokalidad  kas pangrugianda nga agsalukag para iti panagadal ken pagsayaatanda. # (Web In-Action)

CASH GRANT, INAWAT DAGITI 4 P’s BENEFICIARIES

Cabugao, Ilocos Sur – Kalpasan ti pannakaited ti Cash Card kadagiti benepisiario ti Pantawid Pamilyang Pilipino Program (4 P’s) kadagiti 33 a barangays ti ili a Cabugao itay nabiit, naparuk-atan manen  babaen ti Department of Social Welfare and Development (DSWD) dagiti gatad nga awaten dagiti benepisiario ti 4 P’s  Members nga imatonan ti Municipal Social Welfare and Development (MSWDO)-LGU Cabugao  a kapartner ti Gobierno Nasional iti pannakaipatungpal daytoy a pro-poor program ditoy nga ili.

Iti aldaw ti Agosto 22, 2013, naipaay dagiti AR (Acknowledgement Receipt) kadagiti Grantees  tapno awatenda manipud iti natudingan nga establisimiento  a mangted kadagiti gatad nga awaten ti tunggal maysa.

Naangay ti ababa a programa sakbayna  iti Cabugao Cultural and Sports Complex, Brgy. Rizal, Cabugao, Ilocos Sur  sa naited dagiti AR’s ket pinalagipan ni MSWD  Officer Mrs. Lydia S. Gazmen dagiti umawat iti umisu a pannakayusar dagitoy a gatad ken ti panangannurotda kadagiti mainayon nga obligasionda iti pamiliada ken iti  komunidadda.

Nakikaysa met ni SB Member Dr. Carlito S. Pano, Committee Chair on Social Services kadaytoy a taripnong ket impeksana met ti agtultuloy latta a napintas a panangannurot dagiti benepisiario kadagiti alagaden nga ituyang ti linteg iti benepisioda.

Kimmablaaw ken nagyaman ni Mayor Edgardo “Ediboy” S. Cobangbang, Jr. ta matulongan manen dagiti umili babaen kadaytoy a programa ti Gobierno Nasional nga ipatungpal ti DSWD ken ti LGU.

Impeksa pay ti Ama ti Ili ti ragsakna   ta agtultuloy iti napintas a pannakaipatungpal ti programa ken ar-aramiden  dagiti maseknan a benepisiario ti obligasionda kadagiti maawatda.  Nagyaman pay ken kinablaawan ni Mayor Ediboy kadagiti Opisiales ti DSWD nga umay nangipagteng kadaytoy a dakkel a tulong a para kadagiti agkasapulan a pamilia iti programa a mangiyagpang ti kasasaad ti panagbiagda.

Nagpaay a Facilitator da Miss Aida S. Cueto,  4 P’s Focal Person, Municipal Link,  Miss Jessie Ann O. Tabut, Municipal Link-Cabugao ken dagiti MSWDO Staff and Personnel  iti pannakatarabay dagiti nagited ti AR sakbay  a mapan  awaten dagiti Beneficiaries dagiti gatad a para kadakuada. # (Web In-Action)

MAUSAR DAGITI NAG-TRAINING, INYALLAWAT NI MAYOR EDIBOY

Cabugao, Ilocos Sur – Tapno naan-anay ti pannakausar dagiti nagsanay nga agtutubo iti nayadal kadakuada babaen iti Cash Training Program nga immatonan ti DSWD-Municipal Social Welfare and Development (MSWDO) nga idauluan ni Mrs. Lydia S. Gazmen, naiyallawat dagiti Tool Kits para iti 20 nga agtutubo a nagsanay iti Electrical Installation and Maintenance a naggapu iti Opisina ti Mayor  kasta met iti usaren dagiti Trained  Hilot (Wellness Massage) and Manicure/Pedicure a nabenepisiaran met iti 20 nga agtutubo a babbai.

Dagitoy a mausar a ramit ket naiyallawat babaen ken  ni Mayor Ediboy kadagiti benepisiario a binayabay dagiti Staff ken Personnel ti MSWDO nga idauluan ni Mrs. Lydia S. Gazmen idi Agosto 20, 2013 iti mismo a Munisipio.

“Dakkel unay a pagyamananmi ken ni Apo Mayor kadagitoy a maited a tool kit ta mausarmin a naan-anay ti naadalmi a mangtulong iti panagbiagmi,” impeksa ni Mr. Denmark Baclig, taga-Brgy. Pug-os ken maysa kadagiti 20 a benepisiario.

“Agyamankami met latta iti LGU-Cabugao nga idauluan ni Mayor Ediboy ta nailungalong ti  pannakaited dagiti usarenmi a nagadal iti ababa a kurso-ngem dakkel ti maitulongna kanyami a babbai,” insupusop met ni Miss Jaclyn May Gazmen iti grupo dagiti babbai.

Dagitoy nga aksion ken inisiatiba ket resulta ti napintas a koordinasion dagiti opisina iti salinong ti LGU-Cabugao a mangipatungpal kadagiti programa a pagbiagan dagiti agkasapulan ti trabaho nga umili. # (Web In-Action) 

FOREST LAND USE PLAN (FLUP), NATRATAR ITI SB CABUGAO

Cabugao, Ilocos Sur – Naaramid ti panag-Session ti Sangguniang Bayan, Cabugao, Ilocos Sur idi Agosto 19, 2013 iti SB-ABC Hall tapno matratar ti singasing a pannakabukel ti Forest Land Use Plan ti ili a Cabugao, Ilocos Sur kas maysa a kalawaan ti timberland-na nga ili  iti Umuna a Distrito ti Ilocos Sur nga addaan ti nasurok a  3,4000 a kabakiran.

Nalukatan ti Sesion kalpasan ti naaramid a Roll Call nga inyawag ni SB Secretary  Maxfel S. Suboc. Tinarawidwidan ni Vice Mayor Deogracias Jose Victorino H. Savellano ti nasao a session. Nagatendar met dagiti pannakabagi ti DENR Region 1-CENRO-Bantay, MENRO Cabugao, Budget Office, Municipal Accountant ken taga-Media kadaytoy a session.

Kangrunaan a nagpinalan ti session ket ti panagaprobar ti SB iti Resolusion a mangkiddaw iti DENR iti pannakabukel ti Municipal Technical Working Group (MTWG) nga idauluan ti Municipal Mayor a mangbukel ti komprehensibo a plano iti pannakaipatungpal ti sagudayen ti nasao a programa ti Provincial Government, DENR a kaduana ti LGU.

Ti panggep ti pannakaaramid ti FLUP iti Munisipalidad ket para iti Forest Conservation, protection, management, land use and territorial jurisdiction.

Immuna a nainaw daytoy a programa  kabayatan ti termino ni nag-Gobernador Luis Chavit Singson a pannakairugi ti Caniaw Reforestation Project  ket  naaramid ti panagsaknap/pannakaipalawa daytoy a programa iti Umuna a Distrito ti Ilocos Sur. # (Web In-Action)

PANAGKASANGAY NI MAYOR EDIBOY, NASELEBRARAN

Cabugao, Ilocos Sur – Sangsangkamaysa ti Pamilia-LGU Cabugao a nangkablaaw ken nangikanta ti “Happy Birthday” a  nangpangayed ti pannakaselebrar ti panagkasangay ni Mayor Edgardo “Ediboy” S. Cobangbang, Jr. kada Agosto 18 kalpasan ti naangay a Flag Raising Ceremony ti LGU-Cabugao idi Agosto 19, 2013 iti sango ti Flagpole Stand iti Municipal  Building idi Agosto 19, 2013.

Kabayatanna, impeksa met ni Mayor Ediboy iti panagyamanna iti panangkablaaw ti Pamilia-LGU iti panagkasangayna. 

Naigiddan ti pannakaipakaammo iti pannakapagtalinaed ni Chief of Police William N. Nerona a kas OIC iti Municipal Police Station ti Cabugao babaen iti panangipakaammo ni Mayor Ediboy.  Pinagyamanan ni COP Nerona ti naited manen  a talek kenkuana manipud iti Alkalde Munisipal ket impasingkedna ti panangipatungpalna iti programa ti PNP maipapan iti pannakapagtalinaed ti linak ken talna iti Munisipalidad.

Naaramid ti reception ti Birthday Celebrant iti Cabugao Municipal Conference Building a nagsasanguan dagiti Opisiales ken kameng ti nadumaduma a Departamento ken Opisina iti salinong ti LGU-Cabugao. (Web In-Action)

 

FOREST LAND USE PLAN (FLUP), NATRATAR ITI SB CABUGAO

Cabugao, Ilocos Sur – Naaramid ti panag-Session ti Sangguniang Bayan, Cabugao, Ilocos Sur idi Agosto 19, 2013 iti SB-ABC Hall tapno matratar ti singasing a pannakabukel ti Forest Land Use Plan ti ili a Cabugao, Ilocos Sur kas maysa a kalawaan ti timberland-na nga ili  iti Umuna a Distrito ti Ilocos Sur nga addaan ti nasurok a  3,4000 a kabakiran.

Nalukatan ti Sesion kalpasan ti naaramid a Roll Call nga inyawag ni SB Secretary  Maxfel S. Suboc. Tinarawidwidan ni Vice Mayor Deogracias Jose Victorino H. Savellano ti nasao a session. Nagatendar met dagiti pannakabagi ti DENR Region 1-CENRO-Bantay, MENRO Cabugao, Budget Office, Municipal Accountant ken taga-Media kadaytoy a session.

Kangrunaan a nagpinalan ti session ket ti panagaprobar ti SB iti Resolusion a mangkiddaw iti DENR iti pannakabukel ti Municipal Technical Working Group (MTWG) nga idauluan ti Municipal Mayor a mangbukel ti komprehensibo a plano iti pannakaipatungpal ti sagudayen ti nasao a programa ti Provincial Government, DENR a kaduana ti LGU.

Ti panggep ti pannakaaramid ti FLUP iti Munisipalidad ket para iti Forest Conservation, protection, management, land use and territorial jurisdiction.

Immuna a nainaw daytoy a programa  kabayatan ti termino ni nag-Gobernador Luis Chavit Singson a pannakairugi ti Caniaw Reforestation Project  ket  naaramid ti panagsaknap/pannakaipalawa daytoy a programa iti Umuna a Distrito ti Ilocos Sur. # (Web In-Action)

BAGYO MARING, AKSION AGAD TI MDRRMC

Cabugao, Ilocos Sur – Apaman a naisibet ti Bagyo Labuyo, simmaruno a simrek ti Bagyo Maring iti lokalidad ti Ilokos a nangipagteng iti napigsa ken napaut a panagtudtudona. Daytoy ti nangitunda iti pannakalayus dagiti nababa ti dissona a lugar ken kabalbalayan kadagiti barangay ti ili a Cabugao, Ilocos Sur.

Nupay idi  aldaw ti Domingo (Agosto 18, 2013)  iti panangipautna ti tudo, nagtignay a dagus ti puersa ti Municipal Disaster Risk Reduction  and Management Council (MDRRMC) nga idauluan da Engr. Nestor B. Somera ken ni Engr. Crescencio C. Formoso a nagrekurida kadagiti apektado a barangay ken iti Poblasion. Pinagkurrida dagiti behikulo ti Munisipio ken linukatanda dagiti Hotline Numbers a naisangrat a para kadagiti adda iti barangay.

Idi Agosto 19, 2013, nagkammayet ti grupo ti  MSWDO nga idauluan ni MSWD Officer Lydia S. Gazmen ken dagiti kameng ti MDRRMC a napan nangited ti relief goods iti maseknan a lumugar iti  barangay a naapektaran kas iti Brgy. Sabang gapu iti didigra a pinataud ti Bagyo Maring. Ken Maisarsaruno met dagiti dadduma pay a barangay a maikkan iti tulong.( Brgy. Daclapan, Namruangan, Turod, Sitio Callaguip, Brgy. Baclig ken Barangay Quezon)

Dagitoy nga aksion ken inisiatiba ket resulta ti napintas ken sistematiko a panagtutunos dagiti Opisina ken Ahensia iti salinong ti LGU-Cabugao nga idauluan ni Mayor Edgardo  “Ediboy” S. Cobangbang, Jr. tapno maaksionan a dagus ken maipaay dagiti kasapulan dagiti apektado nga umili no tiempo ti kalamidad. # (Web In-Action)