Friday, December 14, 2012

2-DAY CSC ORIENTATION, NAGATENDAR TI 1ST BATCH, LGU-CABUGAO

Cabugao, Ilocos Sur – Naangay ti Two-day Orientation on Strategic Performance Management System babaen ti panangisayangkat ti Civil Service Commission (CSC), Vigan City kadagiti amin nga LGU Officials ken Regular Employees ti LGU-Cabugao  idi Disiembre 12-13, 2012 iti Municipal Conference Hall, Cabugao, Ilocos Sur.

Naglektiur ni Hon. Hedy Jose B.  Lardizabal,  Provincial Director, CSC Bantay, Ilocos Sur. Natratar dagiti kabaruanan a wagas ti panangrukod ti gapuanan ti indibidual nga empleado ken pakabuklan ti gapuanan ti grupo  a mayataday iti direksion a turongen ti Ahensia wenno Opisina. Daytoy a programa ket maipakat iti umay a tawen 2013 ket kasapulan a makipaset dagiti nadakamat a maseknan kadaytoy a seminar ti Serbisio-Sibil.

Kanaig daytoy, naisaguday met iti pammilin ni Mayor Edgardo S. Cobangbang, Jr. kadagiti LGU Officials ken empleados iti LGU-Cabugao nga agatendarda  dagiti department heads/section chiefs ket agkadua ti maaramid nga eskediul (batch) iti nadakamat nga Orientation  Seminar. # (Web In-Action) 

No comments:

Post a Comment