CABPUSTERA PROGRAM & PARTY, NAAWIS NI MAYOR EDIBOY

Cabugao, Ilocos Sur – Naangay ti Christmas Program and Party ti Cabugao Public School Teachers, Employees and Retirees Association (CABPUSTERA) 2012 sadiay Dardarat Beach, Brgy. Dardarat, Cabugao, Ilocos Sur idi Disiembre 20, 2012.

Naangay ti business meeting iti kabigatanna a nagatendaran ti Board of Directors ti CABPUSTERA  ken  naituloy ti programa kalpasan ti Fraternal Luncheon.

Iti Programa, indauluan ni Mr. Gelacio Piros, Secondary Teacher,  CNHS, ti Opening Prayer. Kalpasan a nakanta ti Pambansang Awit ken Cabugao Hymn nga indauluan ni Mrs. Marlin Aquino, MT1, Turod E/S, impaay ni Brgy. Captain Danny Garcia ti pammasangbay a saritana. Kimmablaaw ken nagyaman ta pakaidayawan met ti barangayda a  nakaangayan daytoy a pasamak ti DepEd ken Retirees.

Nangipaay ti Mensahe ni Mayor Edgardo “Ediboy” S. Cobangbang, Jr. Dinakamatna ti pateg ti panagkammayet  ti LGU ken ti DepEd iti pannakaidur-as ti Special Education Fund (SEF) a pakairamanan ti pageskuelaan iti serbisio nga itden ti Munisipio. Ingunamgunam ni Mayor Ediboy iti pannakaitandudo   iti panangited ti pagrebbengan   iti Real  Estate Taxes ta daytoy ti  pakaigapuan ti pannakapataud ti SEF. 

Dinakamat pay   ti Ama ti Ili  dagiti nalalatak a patanor  ti Cabugao gapu iti adal a nangitan-ok ti ili  iti amin a benneg. Kinuna ni Mayor Ediboy nga ita ti  batangda met  a  makikaysa iti DepEd a mangilungalong iti pagsayaatan dagiti agad-adal nga ubbing a pamuonan iti agtultuloy a panaglatak ti Cabugao iti panagbalindanto  a lider iti masanguanan nga aldaw.

Nangted met ti mensahena ni Vice Mayor Danny Q. Gazmen kadagiti mangisursuro ken retirees.

Naisaganad ti Presentation of Current Year (2012) Retirees babaen ken ni Mrs. Dinia Azcueta, Chairman, Awards Committee. Naisaruno ti Highlights on the Life of the 2012 Retirees.

Nai-awards dagiti Plake babaen kada Public Schools District Supervisor Helen V. Siruno ken Mrs. Estrellita M. Siruno, President ti CABPUSTERA.

Naangay pay ti Raffle Draw in between presentatation.

Closing Remarks ti binagi ni Mr. Rodel Suniega, School Principal 1 ti Turod E/S. Nagpaay nga Emcee da Mrs. Rocilyn Sabaten ken Mr. Gilbert Asuncion.

Naawis  met iti nasao a programa dagiti Kapitanes nga idauluan ni ABC President, Brgy. Captain Teddy U. Soller,  SB Member Dr. Carlito S. Pano, SB Member Vicky S. Serna, ken SB Member Carlos V. Sison agraman dagiti  bisita.  # (Web In-Action)