Cabugao, Ilocos Sur –
Iti karegget dagiti umili a sumarungkar iti Rural Health Unit (RHU) ti ili a
Cabugao kasta met iti agbisita iti Rodolfo S. Sonido Lying-in Center gapu iti 24
oras a panaglukatna iti 7 nga aldaw ti makalawas, manamnama a maiteden iti napennek a serbisio pakaseknan ti
pannakaasikaso ti salun-at dagiti umili.
Iti pannaki-amad ti
Web In-Action idi Disiembre 3, 2012, imbatad dagiti Personnel ti RHU a bassit
la ti paggidiatan iti kaadu ti pasiente
a sumarungkar iti aldaw ti Lunes ken kadagiti sumaganad nga aldaw.
Buklen dagiti agpaagas
ti matarabay a maladaga, ubbing, agkabannuag, nataengan a nalag-an ken maikkan
a dagus ti agasda. Adda met dagiti agpa-Blood Pressure (BP), agpagabut ti
ngipen, ken agpabakuna ti ubbing nga inna.
Ti pannakaitandudo ti
mentenansia ti salun-at ket prayoridad a programa ti Gobierno Munisipal nga
idauluan ni Mayor Edgardo “Ediboy” S. Cobangbang, Jr. tapno naan-anay ti regta dagiti umili nga agtrabaho
para iti pagbiagda ken mangsagrap
kadagiti pagimbagan nga itden ti nasaliwanwan a biag. # (Web Situational
Report)
No comments:
Post a Comment