Cabugao, Ilocos Sur – Naangay ti Christmas Program ti Cabugao Federated of Senior Citizens nga idauluan da Antonio N. Sabio, Presidente ken OISCA Head Remigio B. Sunico iti Disiembre 11, 2012 iti Cabugao Cultural and Sports Complex, Brgy. Rizal, Cabugao, Ilocos Sur.
Nagpartisipar dagiti
Opisiales ti asosasion iti nataengan iti
nadumaduma a barangay ken nasangaili dagiti Opisiales ti Gobierno
Munisipal nga idauluan ni Mayor Edgardo “Ediboy” S. Cobangbang, Jr.
Impaay ni Bonifacio
Somera, Federated Vice President ti pammasangbay a panagsarita. Paset ti
pannaka-roll call ti grupo iti tunggal barangay iti panangipabuyada ti
panagkanta, panagsala ken adda pay nagbitla.
Kangrunaan nga anag ti
Mensahe ni Mayor Ediboy iti panangipaay ti “Ayat” iti pada a tao. Imbatad ti
Ama ti Ili iti naipangruna a panangiparikna ti Gobierno Munisipal ti suporta
ken pammategna kadagiti nataengan kadagiti aktibidades ken programa a naisayangkatda.
Innayon ti Alkalde Munisipal a maaramid
dagitoy a tagipatgen a galad tapno masupapakanto met iti napintas a pagbanagan
dagiti agdama a henerasion iti panagbalinda a nataengan.
Nangipaay met ti
mensahe da Vice Mayor Danny Q. Gazmen, SB Member Dr. Carlito S. Pano, Committee
Chair on Health and Social Services, SB
Member Vicky S. Serna, SB Member Carlos V. Sison, SB Member Jemaima Tan-Yee,
ken SB Member Benedict M. Savellano.
Pangkablaaw,
panagyaman, panggep ti ayat, ken panagkaykaysa dagiti kangrunaan a bugas ti
mensahe dagiti nadakamat nga LGU Officials.
No comments:
Post a Comment