Cabugao, Ilocos Sur –
Mangrugi ti Misa Aguinaldo iti Disiembre
15 agingga iti Disiembre 23, 2012.
Iti Parokia ni San
Markos Ebanghelista ti ili a Cabugao, Ilocos Sur, naregta dagiti dua a
kabarbaro a Padi ti Parokia: Rev. Fr. Felix Costales ken Rev. Fr. Sherwin
Aquino a mangan-annong kadagiti Nasantuan a Misa a mainaig iti panangpasungad
ken panangselebrar ti panawen ti Paskua 2012 ditoy ili ti Cabugao.
Mangrugi iti Disiembre
15, 2012, maangay ti nalatak a “Simbang Gabi” ket naituding ti eskediul a panagsindi ti
kandila dagiti deboto kadagiti nadumaduma a
sektor ti kagimongan manipud kadagiti 33 a barangays ti ili ket maangay iti Simbaan
Katoliko iti Poblasion ti nasao a Misa.
Kasaruno daytoy, maangay met ti Misa-Parbangon mangrugi ti Disiembre 16-24, 2012 ket nayeskediul
nga aramiden ti 9 a Clusters dagiti
deboto ti agsindi ti kandela manipud iti 33 a barangays a pagnaedan dagiti
deboto. Maaramid ti nasao a Misa iti Simbaan Katoliko ditoy Poblasion ti
Cabugao.
Maaramidto pay dagiti
Misa iti Rambak Kaaldawan Paskua iti Disiembre 24 ken 25 idinto ta Rambak Baro
a Tawen inton Disiembre 31 ken Enero 1, 2013. # (Web Situational Report)
No comments:
Post a Comment