COVERED CANAL TI BRGY. RIZAL, MAILEPLEPPAS

Cabugao, Ilocos Sur – Dandanin mairingpas ti Covered Canal iti agsumbangir a paset ti Gen. Antonio Luna Street, Barangay Rizal, Cabugao, Ilocos Sur babaen iti pannakagastos ti  Congressional Fund ni Congressman Ryan Luis V. Singson, First Legislative District, Province of Ilocos Sur.

Iti pannaki-amad ti Web In-Action kadagiti agnaed iti daytoy a paset ti Poblasion iti Disiembre 5, 2012, imbatadda a pimmintas ti buya ti kalsadada-limmawa ken mabalin nga usaren ti espasio a nakaluban a pagnaan ken pagpaigidan.

Pinagyamanan pay  dagiti agindeg ti panangilungalong da Mayor Edgardo “Ediboy” S. Cobangbang, Jr. ken ni Brgy. Captain Teddy U. Soller ken  ni Congressman Ryan Luis V. Singson iti pannakaaramid daytoy a proyekto a nangpasayaat ti buya kadagiti kalsada ti Barangay Rizal ken mangted nam-ay ti panagdalus kadagiti bumarangay.  # (Web In-Action)