Cabugao, Ilocos Sur –
Naiwayat ti Joint Survival Monitoring of Planted Trees kadagiti nadumaduma a
disso ti Reforestation Projects ti nadakamat nga NGO ken ti LGU iti Cabugao, Ilocos Sur idi Disiembre 4, 2012.
Kinadua ni MENRO Edgar
S. Balangatan dagiti nagmonitor ket inyunada ti
nagrekurida iti Barangay
Sagayaden, Pila ken Baclig.
Maibasar iti Plant
Report a nabukel kadaytoy nangrugianda a
barangay, imbatad ni MENRO Edgar
S. Balangatan a 50% ti Survival Rate ket addaan iti Average Plant Height iti 1
metro ti kadadakkel dagiti mula. Buklen dagitoy ti Mahogany, Gmelina seedlings.
Daytoy a gannuat ket
agtultuloy a maaramid kas paset ti napagtulagan ti LGU Cabugao nga idauluan ni
Mayor Edgardo “Ediboy” S. Cobangbang, Jr. ken dagiti pannakabagi ti Tanim Kalikasan, Inc. a pannakaipakat ti
nasaknap a reforestation program ditoy ili ti Cabugao kas pangannurot ti Re-greening Program
ti Gobierno Nasional a mangtellay iti epekto ti Climate Change ken Global
Warming iti aglawlaw. # (Web In-Action)
No comments:
Post a Comment