Cabugao, Ilocos Sur – Napnuan-ragsak ken panagyaman ti insubad dagiti empleado ken agtartarabaho iti salinong ti LGU-Cabugao gapu iti personal nga impapaskua kadakuada ti Pamilia ni Mayor Ediboy S. Cobangbang, Jr. babaen ken ni Mrs. Jerlie Seguban-Cobangbang idi Disiembre 21, 2012 a kaaldawan ti Christmas Program ti Munisipio.
Kalpasan ti ababa a
programa dagiti Retirees iti sango ti Munisipio, naiyawat dagiti nai-wrap iti
Japanese paper a naglaon iti kompleto a ramen/rekado ti pang-Noche Buena ti pamilia wenno
mapagsasanguan iti umay nga aldaw ti Baro a Tawen-2013.
Mismo a ni Ma’am
Jerlie ti nagyawat ti sagut iti tunggal kameng ti departamento/section ti LGU iti Opisina ni Mayor Ediboy a kaduana
dagiti pannakabagi ti Mayor’s Staff nga idauluan ni Mrs. Rolly Bolante.
Babaen ti pannaki-amad
ti Web In-Action, inulit dagiti empleado
ti Munisipio ken nakaawat ti nasao nga aginaldo iti nangipeksa ti nalaus a panagyamanda iti Pamilia ni Mayor Ediboy ken
ni Ma’am Jerlie ta uray kaskasano ket nabunga ti pannakiselebrarda iti pannakarambak ti Paskua 2012 ken panangpasungad ti Baro a Tawen-2013. #
(Web Situational Report)
No comments:
Post a Comment