Cabugao, Ilocos Sur – Adelantado ti barbarangay iti agtultuloy a pannakaipakat ti Clean and Green Program ken Solid Waste Management partikular ita a bulan ti Disiembre 2012.
Iti pannaki-amad ti
Web In-Action iti Disiembre 19, 2012, imbatad ni MENRO Edgar S. Balangatan nga
99 % ti 33 a barangay ti Munisipalidad ti agtungtungpal iti pammilin ti
Opisinana babaen ti direktiba ni Mayor Edgardo S. Cobangbang, Jr.
Innayon ni MENRO Balangatan
nga aktual a binisitana dagiti barangay ket ti saan a makasurot ket palagipanna
wenno suratanna ti maseknan a Kapitan. Iti 2nd week of December
2012 a deadline, nagtungpal ti kadagupan
ti Barbarangay maibasar iti rekord ti MENRO iti pannakapirma dagiti Clearances dagiti
Barangay.
Kanaig daytoy,
nakatungpal met ti pagrebbengan ti pito (7) a Coastal Barangays ti
Munisipalidad iti nagsasaganad nga eskediul ti naangay a Coastal Clean-up ( aktual
a nabisita ti MENRO) ken Coastal Greening a nagpartisiparan ti lima (5) a
barangays iti panagmula ti mangrove seedlings. Maibasar iti year-end report ti MENRO, umaboten ti 40,600 a mangrove seedlings ti naimula iti
katangriban ti lima a barangay itoy a Tawen 2012.
Dagitoy a naregget nga
aksion ket maipakpakat babaen ti LGU-Cabugao nga idauluan ni Mayor Edgardo
“Ediboy” S. Cobangbang, Jr. kas pangannurot ti Regreening Program ti Gobierno
Nasional ken estratehia ti Munisipio iti agtultuloy a panangtagibenna iti aglawlaw. # (Web Situational Report)
No comments:
Post a Comment