Cabugao, Ilocos Sur –
Kaaduan ti maladaga ti napabakunaan iti
Immunization Room iti Rural Health Unit-Cabugao iti kada aldaw ti Lunes. Imbatad ni Mrs.
Gregoria Sesuca, nangimaton iti panagbakuna, a kasapulan nga ipan ti maladaga
manipud 6 weeks old agingga iti makatawen iti RHU panggep iti panagbakunana.
Innayonda a kabayatan
ti panagdakkel ti ubbing ket adda dagiti nadumaduma a mayataday a kita ti
bakuna a maipakapet tapno adda umdas a salaknibna kadagiti rumsua a sakit iti panagdakkelna.
Iti pannaki-amad ti
Web In-Action idi Disiembre 10, 2012, naammuan iti Admission Section nga adu
latta met ti bilang dagiti inna ken nataengan nga agpaagas. Agpabakuna dagiti
nataengan iti anti-flu ken panggep ti an-annayen dagiti babbai ti ipariknada.
Adu met latta ti agpagabut ti binukbok ti ngipenna iti Dentista.
Imbatad ni Dr. Rudy M.
Singson, Municipal Health Officer a panawen ita ti panagkakawa gapu iti
panagbalbaliw ti tiempo ket ingunamgunamna ti naan-anay a panagdaldalus ken
panagehersisio tapno malapdan ti pannakakapet iti sakit. # (Web Situational
Report)
No comments:
Post a Comment