Cabugao, Ilocos Sur – Naangay ti Special Meeting ti Cabugao Vegetable Growers and Producers Association, Inc. nga idauluan ni Mr. Armando Azcueta.
Kangrunaan a nataming
ket ti pannakayalokar ti pundo a nagun-odda kadagiti prayoridad a programa ken
aktibidades ti Asosasion kas iti pannakaigasid ti revolving fund, loan
assistance, miscellaneous expenditures ken dadduma pay a pakaseknan ti
pinansial a mangpasayud ti operasion ti asosasion.
Imbatad ni Mr. Eddie
Sevilleja, Treasurer, a kasapulan ti Updated Financial Statement tapno kankanayon
nga aganninaw iti record iti simrek ken rimmuar a gatad ken ti balance a pundo.
Innayonna a maipangruna a ma-itemized amin a paggastosan babaen ti pannakaaramat
dagiti account names tapno nalaka a maawatan ti Financial Record ti asosasion.
Iti pannaki-amad ti
Web In-Action iti Disiembre 7, 2012 a mitingda, impasingked ni Mr. Orencio
Sadioa, Vice President a napintasen ti pannakaaywan ti pundo ket impeksa ti kaaduan nga opisiales
a mangnamnamada a manayonan pay ti “assetda” no maipakitada a mapadakkelda ti
naipabulod a puonan kadakuada.
Impeksada manen ti panagyamanda iti Gobierno Munisipal nga
idauluan ni Mayor Edgardo “Ediboy” S. Cobangbang, Jr. ken ni Vice Mayor Danny Q. Gazmen iti agtultuloy a panangtarabayda kadakuada nga
agmulmula ti nateng. # (Web In-Action)
No comments:
Post a Comment