Cabugao, Ilocos Sur –
Inimatangan ni Mayor Edgardo “Ediboy” S. Cobangbang, Jr. ken ti sibubukel a Sangguniang Bayan babaen ti
panangidaulo ni Vice Mayor Danny Q. Gazmen ti pannakaited ti mainayon a mausar ti panagmula dagiti
mannalon ti Brgy. Bungro ken Pug-os iti
nateng ken dadduma pay iti proyekto a nagun-odda manipud iti programa ti Rice-Based Farming Systems in Rainfed Lowland Areas ti DA-RFU 1 idi Disiembre 17, 2012
iti sango ti Munisipio ti ili a Cabugao.
Buklen dagiti naited
nga inputs ti ganagan ken mainayon pay
nga insecticides, pesticides ken
herbicides. Dagitoy ti mangkompleto iti kasapulanda iti panagmulada kadagiti 10
ektaria a pakabuklan ti mulaanda kadagiti nasao a barangay.
Naaprobaran sakbayna
daytoy a proyekto babaen ti panagkammayet ti LGU-Cabugao, DA-RFU 1, ken FA’s babaen
iti Memorandum of Agreement (MOA) iti
pannakaipatungpalna.
Naisangrat daytoy a
proyekto para kadagiti rain-fed area a kalpasan a mamulaan ti pagay ket mamulaan laengen ti
nateng, mais ken dadduma a cash crops a pangtulong ti matgedan dagiti mannalon.
Adda pay kanaigna daytoy a livestock project.
Sag-lilima nga ektaria
nga agkakadarapat ti naaprobaran a
pakaipakatan daytoy a programa iti Barangay Bungro ken Barangay Pug-os a gamuluen dagiti mannalon nga idauluan da President
Edy L. Sevilleja ken President Elmer Bromeo kas panagsaganadda. # (Web
In-Action)
No comments:
Post a Comment