Thursday, December 13, 2012

NAGMITING TI PAMILIA-LGU

Cabugao, Ilocos Sur – Naaramid ti General Meeting ti Pamilia-LGU a pakabuklan  ti nadumaduma nga Opisina ti Gobierno Lokal ti ili a Cabugao, Ilocos Sur  agraman dagiti Job Orders, ken Volunteers iti Disiembre 13, 2012 tapno mapagsasaritaan dagiti aktibidades, update ti kasasaad ti trabaho iti opisina ita a panawen ti Paskua  ken ti  pakaseknan dagiti empleado ken agob-obra iti salinong ti LGU-Cabugao.

Ingunamgunam nga ipalagip  ni Mayor Edgardo “Ediboy” S. Cobangbang, Jr. kadagiti agserserbi iti Munisipio iti masapa koma a panagreport  dagiti empleado iti opisinada  nangruna iti aldaw ti Lunes  ita ken iti masungsungad a working days  iti umay a Tawen 2013.


Ita a bulan ti Disiembre 2012, innayon ti Alkalde Munisipal a maangay ti Christmas Program 2012 ti LGU-Cabugao inton Disiembre 21, 2012 ditoy Munisipio ken idiay Cabugao Central Park (CCP) a pakaangayan ti selebrasion  iti karabiyanna. Itultuloy dagiti empleado ken iti sapasap ti agselebrar iti sidong ti pamiliada, kabagianda, ken  gagayyemda inton Disiembre 24 ken 25   a bisperas ken kaaldawan ti Paskua kas panagsaganadda. Ket sumrekdanto manen iti trabahoda iti  Opisinada inton Disiembre 26, 2012.


Impeksa pay ti Ama ti Ili  ti kaipapanan dagiti napagnunumuan nga aldaw a panagragsak/panagrambak  met dagiti empleado/opisiales  ken iti sapasap iti panangselebrar ti Paskua 2012  ken iti masungad  nga aldaw ti   Baro a Tawen.

Impalagip met ni HRMO Officer Miss Mimi S. Sison iti naipakaammo sakbayna  iti Flag Ceremony idi aldaw ti Lunes  iti grupo a pakaibilangan ti tunggal empleado 


 para iti akemda iti maangay a Christmas Program inton Disiembre 21, 2012.

Nagsarita met da Municipal Treasurer Lourdes A. Azcueta, Municipal Budget Officer Marietta S. Cruz, ken Municipal Accountant Annalyn Siababa para iti  padamagda kadagiti empleado. # (Web Situational Report

No comments:

Post a Comment