Monday, December 17, 2012

BRGY. BACLIG FIESTA, INATENDARAN NI MAYOR EDIBOY

Cabugao, Ilocos Sur -  Naangay ti tinawen a panangselebrar ti Barangay Baclig ti panagpiestana iti panangipanayagna ti Patronna a ni Birhen Santa Maria idi Disiembre 12 agingga iti karabiyan ti Disiembre 16, 2012 a nakakoronaan ni Queen Nerry Xenia 1st a nangituray iti parambak iti dayta a rabii.

Naluktan ti Coronotion Night & Ball babaen ti Opening Prayer ni Miss Gloria Naval ken ti National Anthem ken Cabugao Hymn nga impatayab ti Blue Ocean Band. Nabara ti pammasangbay a balikas ni Kagawad Armando Azcueta. Kalpasan ti Farewell March da King Ar-jay Tapuro ken Queen Danielle Monicque Semilla, naaramid ti intermission number  ti Baclig Day Care Pupils.

Naisaganad ti Entrance ti Royal Court ket indauluan ni Queen Nerry Xenia Alipio; 1st Princess Richelle Cabasug, 2nd Princess Deizel Savedra, 3rd Princess Marinel Ilar, 4rth Princess Ceferina Garcia, 5th Princess Evelyn Morales, ken 6th Princess Fe Grande. Kalpasan ti pannakaited ti Sashes ken Boquets kadagiti Princesses, nakoronaan ni Her Majesty Queen Nerry Xenia 1st babaen kada Bokal Christian “Basi” Purisima ken SB Member Josefina S. Vallejo idinto ta ni Mayor Edgardo “Ediboy” S. Cobangbang, Jr. ken ni  SB Member Josefina S. Vallejo met laeng ti nangkorona ken ni 1st Princess Richelle Cabasug.


Nangipaay ti Mensahe ti Piesta ken Paskua  ni SP Member Basi Purisima para kadagiti umili ti Cabugao ken ti Barangay Baclig.  Nagpapaskua pay kadagiti Barangay Council, RIC, SK ken Brgy. Tanod/BPATS iti Brgy. Baclig.

Kimmablaaw met ni Mayor Ediboy iti amin a naitallaong. Dinayawna ti pannakaigannuat ti Piesta a pakakitaan ti kinaurnos dagiti bumarangay. Agraman ti Pamiliana, kimmablaaw ti Ama ti ili iti sapasap  para iti Naragsak a Panagpiesta ti Barangay ken Naragsak a Paskua ken Nagasat a Baro a Tawen ti amin.

Naiballaet ti intermission number   ti Cabugao Cultual Troupe nga inasistiran ni Mr. Kevin Somera, LGU Personnel. 

Naisaad met ti Coronets dagiti Princesses babaen kadagiti Konsehales ken bisitas a naitallaong iti panangidaulo ni Vice Mayor Danny Q. Gazmen.

Nai-award dagiti Trophies babaen kadagiti nagidonar iti amin a kameng ti Royal Family kasta met dagiti premio ti nangabak iti Basketball Tournament.

Nagyaman ni Brgy. Captain Ely S. Savella iti amin a timmulong ken timmalantan iti panagpiestada iti Barangay Baclig.

Nagpaay nga Emcee da Mr. Rudy Ilar ken Mr. Ferico Arcebal.

Nakikaysa da Vice Mayor Danny Q. Gazmen, SB Member Dr. Carlito S. Pano, SB Member Vicky S. Serna, SB Member Josefina S. Vallejo, SB Member Benedict M. Savellano, MSWDO Officer Lydia S. Gazmen, Brgy. Captain Inocencio S. Sadac, Brgy. Captain Bernardo Salom, Brgy. Captain. Philip Bringas, Brgy. Captain Romeo  Galamgam ken Balikbayans iti panagrambak ti Piesta ti Brgy. Baclig.  # (Web In-Action)


No comments:

Post a Comment