AGTULTULOY A NARUAY TI AGPAAGAS ITI RHU

Cabugao, Ilocos Sur – Agtultuloy a naruay ti agpaagas iti Rural Health Unit ti ili a Cabugao, Ilocos Sur nangruna ta nanayonan dagiti ramit a mausar  iti pannakarikna kadagiti an-annayen  dagiti agpaagas.

Segun iti Registration Section, kaaduanna ti maladaga ken ubbing ti maipapaagas gapu iti  kawa ti tiempo. Nupay kasta, dakkel a pakalag-anan dagiti inna ta masigud a maagasan   ti sakit dagiti annakda.  Kasta met nga adda agtutubo, agkabannuag ken nataengan nga agpaagas.

Nagaget met dagiti Medical Personnel a mangatendar ti pagrebbenganda iti RHU a mangkomplementar iti napintas a serbisio a maipaay a   tarigagay ti Gobierno Munisipal  nga idauluan ni Mayor Edgardo “Ediboy” S. Cobangbang, Jr.  tapno agtultuloy a nasamay  ti programa  iti pannakatagiben ti salun-at dagiti umili  ket  mananamda ti kaipapanan ti natalingenngen a panagbiag. # (Web Situational Report)