MANGIPROMOT ITI NUTRISION ITI BARANGAY, MASANAYDA

Cabugao, Ilocos Sur – Maar-aramid ita ti 5-day ti Re-echo of the Trainors Training  of Barangay Implementers on Promotion of Good Nutrition babaen ti panagkammayet ti  LGU-Cabugao ken ti National Nutrition Council, Department of Health kadagiti Barangay Nutrition Scholars (BNS); Barangay Health Workers (BHW’s), Mother-Leaders, 4 P’s ken Kagawad, Committee Chair on Health   kadagiti 33 a barangays ti ili a Cabugao iti Municipal Conference Hall, Cabugao, Ilocos Sur. Nangrugi ti Seminar idi Pebrero 4, 2013 ket agpatingga inton Pebrero 8, 2013.

Iti Day 1, Pebrero 4, 2013, nangted ti Mensahena ni Mayor Edgardo “Ediboy” S. Cobangbang, Jr., Municipal Nutrition Committee Chairman ket kinaritna dagiti nutrition program  implementers iti barangay ti naregget  a panangipakatda ti maadalda ket sapasap a maisagut iti umili ti resulta ti napudno a panagserbida  a mangkomplementar ti tulong nga ibadang ti LGU kadaytoy a programa ti salun-at. Dinakamat  ni Mayor Ediboy ti pannakagun-od ti LGU Cabugao iti Most Outstanding Municipality in the Implementation of Nutrition Program 2011 iti Siglat Awards 2013 kas inspirasion ti sapasap nga agregget pay iti panangimutektekda  iti pannakaitandudo ti  salun-at dagiti umili.

Iti Lecture Proper iti dayta nga aldaw, nataming iti nagmalem  ti maipapan iti  Pabasa sa Nutrisyon babaen ti Overview of the Promote Good Nutrition Program nga addaan ti 4 a Modules ken Promotion of Egg and Vegetables.

Iti 2nd Day, Pebrero 5, 2013, pannakaisuro ti Infant and Young Child Feeding (IYCF) a pakaseknan ti panangtaraon ken panangasikaso ti maladaga ti nagmalem nga inadal dagiti nagsanay.
Naglektiur da Mrs. Joenah G. Sevilleja, Municipal Nutrition Program Coordinator, Mrs. Macrina I. Saturno, Outstanding Nutrition Scholar ti Region 1 ken Nominee, Outstanding BNS, National Category 2012, Ms. Agnes Ramos, BNS-Carusipan ken Miss Melanie Saquiton. # (Web In-Action)