Saturday, February 16, 2013

CASH FOR TRAINING PROGRAM, NAILUNSAD

Cabugao, Ilocos Sur – Nai-launch  ti Cash  for Training Program in Beauty Care (Massage, Manicure and Pedicure) babaen iti Department of  Social Welfare and Development (DSWD) ken suportaran ti LGU Cabugao nga idauluan ni Mayor Edgardo “Ediboy” S. Cobangbang, Jr. babaen ti  MSWDO ken iti Technical Skills in Education Development Assistance (TESDA)-Vigan City a pakabenepisiaran ti 20 nga agtutubo ken makasapul  iti panagsanay a nataengan nga agtawen ti 18 to 35 ditoy ili ti Cabugao.

Daytoy a panagsanay ket agpaut iti 20 nga aldaw ket maangay iti Municipal Conference Hall, Cabugao, Ilocos Sur.


Iti naangay a programa, imbinsa ni MSWD Officer Mrs. Lydia S. Gazmen ti pateg daytoy a proyekto a mangted ti adal ken kabaelan kadagiti agtutubo kadagiti Trainings  a makatulong kadakuada iti panagbiagda.


Inimatangan  ni SBM Vicky S. Serna ti pannakai-launch ti programa ken nagsarita   maipapan itoy a panagsanay  dagiti agtutubo.


Naitaripnong pay  dagiti pannakabagi ti TESDA-Vigan City iti nasao a panagtitipon. # (Web In-Action) 



No comments:

Post a Comment