Thursday, February 7, 2013

DRY SEASON, TABAKO LATTA TI ADU A NAIMULA

Cabugao, Ilocos Sur – Iti pannaki-amad ti Web In-Action iti Pebrero 7, 2013, imbatad ti Municipal Agriculture Office nga idauluan ni Municipal Agriculturist Zenaida S. Andrada  a kaaduan  ti tabako a Birhinia ti naimula ita a Dry Season 2012-2013 (Nobiembre-Mayo).

Dagiti sumaganad ti  naimula iti 2,254 Ektarias a  Planted Areas  iti Munisipalidad ti Cabugao iti Dry Season 2012-2013:


1,300 Ektarias – Tabako
425 Ektarias – Mais
300 Ektarias – Natnateng
210 Ektarias – Pagay
19  Ektarias – Madi a  mamulaan ta awanen ti  danum.


Nupay kasta, insupusop ti DA-LGU Staff nga agbalbaliw ti kalawa ti mamulaan kadagitoy a klase ti maimula iti Dry Season (Nobiembre-Mayo) iti tinawen   malaksid iti Wet Season (Hunio-Nobiembre)  a kaaduan  ti  pagay iti maimula iti 2,254  Ektarias a Planted Area.


Iti pannakayusuat ti Soil Fertility Mapping iti kada barangay  iti Munisipalidad iti agdama, manamnama iti masanguanan  a mapasamakto ti intercropping (panagsinnublat ti maimula) nga ad-adda a mangpasayaat ti kapabilidad ti daga iti produksion. # (Web Situational Report)








No comments:

Post a Comment