SKILLS TRAINING KEN O&M TI FLATBED DRYERS, NAANGAY

Cabugao, Ilocos Sur – Nairugi ti dua nga aldaw (Pebrero 12-13, 2013) a panagsanay  iti Skills Training on the Operation and Maintenance of Flatbed Dryers   kadagiti Operators iti Farmers Associations iti 12 a Munisipalidad ti Ilocos Sur iti Ponce del Mar Resort,  Brgy. Pug-os, Cabugao, Ilocos Sur idi Pebrero 12, 2013.

Iti 1st Day (Pebrero 12), naluktan ti programa babaen iti Invocation ni Ms. Divina Sung-ag, PhilMech Staff ken Philippine National Anthem iti panangidaulo ni Ms. Gilda Cafa, RAEG Technical Staff.

Imbagian ni Mrs. Joenah G. Sevilleja, AT ti DA-LGU ni Municipal Agriculturist  Zenaida S. Andrada a nangted ti Welcome Address. Acknowledgement of the Participants ni Engr. Richard Neri ken Overview of the Project ni Mr. Rufino D. Gagni III, Focal Person Designate, Agri-Mechanization and Postharvest Facilities.

Nangted ti Mensahe ni Mayor Edgardo “Ediboy” S. Cobangbang, Jr. Impaganetgetna nga ibinglay dagiti Trainees ti maadalda iti padada. Isakitda koma dagiti maitalek kadakuada a ramit ken pasilidad ket manggubuay koma pay  ti panggedan ti padada a mannalon. Innayon ti Ama ti Ili a saan a magatadan ti kuarta dagitoy a naited a mangpalag-an ti kasasaad dagiti mannalon. Babaen ti pannakikammayetna kadagitoy nga Ahensia a nangtarabay iti Training ket kalikaguman ti Alkalde Munisipal a maaddaan ti amin a barangay ti ili a Cabugao ti Flatbed Dryer tapno sapasap a masagrap dagiti mannalon ti kaipapanan daytoy a programa ti DA.

Nangted ti mensahe ni Ms. Josephine M. Cabanban, Chief, DA-RFU 1, Regional Agricultural Engineering Group (RAEG). Dinayawna ti kaadu ti nagun-od a proyekto ti makinaria ken post-harvest facilities ti ili a Cabugao gapu ta nagaget ken suportado kadagiti mannalon ti LGU nga idauluan ni Mayor Edgardo “Ediboy” S. Cobangbang, Jr.

Pinalagipanna dagiti nagpartisipar a maisuroda iti umisu a panangmantener kadagitoy a maited a  Farm Machineries ken Postharvest Facilities tapno matun-oyan ti panggep ti Gobierno a tumulong kadagiti mannalon.

Nagsarita met  ni Mr. Metodio Acance, Agriculturist II/OPAG-Ilocos Sur Technical Staff ket imbagana a nupay iti Wet Season ti kaaduan a pannakausar ti Flatbed Dryer, kasapulan nga agtultuloy koma latta ti pannakausar ken pannakatagiben dagitoy a pasilidad tapno manayon ti usarda.

Nagsarita met ni Engr. Joseph Sison, pannakabagi ti Pribado a kompania a nagaramid ti makinaria ken pasilidad a tumulong a mangsanay kadagiti Operators ti Flatbed Dryers.

Nakipaset  dagiti pannakabagi ti Philippine Center for Postharvest Development & Mechanization (PHILMECH), Provincial Agricultural Engineering Group (PAEG)-OPAG  ken DA-RFU 1-Regional Agricultural Engineering Group (RAEG)  a kangrunaan a nangtarabay kadaytoy a panagsanay.
Nagpaay nga Emcee ni Ms. Gilda Cafa.  # (Web In-Action)