Nakipaset dagiti agad-adal, mangisursuro, Opisiales ti Konseho Munisipal ken Barangay, sangaili a naggapu iti kabangibang a National High Schools, Opisiales ti DepEd ken lumugar iti Barangay Turod a pakasarakan ti nasao a pageskuelaan-sekundaria nga idauluan ni Brgy. Captain Inocencio S. Sadac.
Immuna a naluktan ti programa babaen ti Prayer ni Mrs. Cecile Farinas, Teacher III sa naisaganad ti Philippine National Anthem ken ti Cabugao Hymn babaen ti panangidaulo ni Mrs. Shirley T. Dolores, Teacher III. Words of Welcome ti impaay ni Mrs. Teresita L. Savella, PTA President.
Naisaruno ti Ribbon Cutting babaen kada Diputado Ryan ken Mayor Ediboy ken Blessing babaen ken ni Rev. Fr. Amador C. Cabaluna kadagiti kuarto ken pasdek a naipatakder babaen iti pundo ti LGU ken Congressional Fund.
Kimmablaaw ni Diputado Ryan kadagiti amin a naitabuno. Imbatadna a paset ti inspirasionna nga agserbi dagiti ubbing ken agtutubo isu nga iprayopridadna iti benneg ti Edukasion tapno maikkanda ti adal ken silaw a mangitunda iti naraniag ken napintas a masakbayanda.
Naisaganad ti Intermission Number ti CNHS Faculty and Staff & PTA Board of Directors.
Impaay met ni Mayor Ediboy ti Mensahena para iti daytoy a panagtitipon. Kimmablaaw ken nagyaman ti Ama ti Ili ken ni Diputado Ryan iti naipaayna manen iti pasdek-pagadalan iti Cabugao National High School. Imbatad ti Alkalde Munisipal nga iti agtultuloy a programa ti LGU a mangilunglungalong iti pannakapasayaat kadagiti pageskuelaan iti Munisipalidad ket kaipapananna met ti napintas a pannakaisagana ken pannakamuli dagiti agtutubo nga agadal ta isudanto met ti sumaruno a lideres ti pagilian iti masakbayan.
Kalpasan ti Reader’s Theater Participants, nangipaay met ti mensahe ni Dr. Marino S. Baytec, Schools Division Superintendent. Kunana a “Perfect Gift” dagitoy a naited a baro a kuarto ken pasdek-pagadalan tapno adda mausar iti pannakaibinglay ti Edukasion kadagiti ubbing. Pinagyamanan ti Opisial ti DepEd da Diputado Ryan ken ni Mayor Ediboy iti agtultuloy a panangitandudoda iti Sektor-Edukasion.
Binagi ni Mrs. Felipa B. Asuncion, Principal II ti Closing Remarks. Panagyaman ti adu kadagiti nangilungalong nga Opisiales ti Gobierno kadagitoy a naited a proyekto iti pagadalanda ti anag ti panagsaritana.
Nakikaysa met itoy a panagtitipon da SBM Benedict M. Savellano, SBM Josefina S. Vallejo, SBM Vicky S. Serna, Committee Chair on Education, ken SBM Carlos Sison.
Nag-Emcee da Mr. Fahd B. Agbulos, Mrs. Julita A. Alvarado ken Mrs. Jonalyn S. Raciles. # (Web In-Action)
No comments:
Post a Comment