DUA MANEN A BRGYS. TI MAILEPPAS ITI SOIL GATHERING

Cabugao, Ilocos Sur – Dua manen a barangay ti naalaan ti soil samples iti Poblasion  para iti pannakaanalisarda iti Laboratorio iti Bureau of Soils and Water Management (BSWM)-Manila. Dagitoy ti Brgy. Bonifacio idi Pebrero 8, 2013 idinto ta Brgy. Quezon iti Pebrero 11, 2013. Imbatad ni Mrs. Eugene Alvaro Briones, Team Leader, Soil Fertility Mapping of Cabugao nga ikagumaanda a mammaminsan ti pannakai-release ti resulta dagiti 33 a  barangays   ken panangitedda ti rekomendado a mausar a ganagan ken ileppasda iti naituding a tiempo.

Iti pannaki-amad ti Web In-Action iti Pebrero 11, 2013, imbatad ni Mr. Ernesto Almendral, Soilsman  a nupay agirekomendada ti commercial  fertilizer, in-inut latta  a pasublien ti napukaw nga anag ti daga babaen met laeng  ti  Organic Agriculture a programa ti Gobierno Nasional ken ipatungpal ti Departamento ti Agrikultura wenno DA.

Dagiti Presidente ti Farmer’s Association a nakitinnulong iti Team ti Soil Sample Gathering ket da Mr. Roger Siruno ken Kagawad Percival Somera ti Barangay Bonifacio idinto ta ni Mr. Rene Sumibcay ti Barangay Quezon. 

Ni Mr.  Ernesto Almendral, Soilsman, ket kasangsangpet a kameng ti Soil Fertility Mapping of Cabugao. # (Web In-Action)