LAUNCHING TI CABUGAO MANGO BUYING STATION, NAANGAY

Cabugao, Ilocos Sur – Naangay ti Launching/Opening ti Cabugao Mango Buying Station babaen ti panagpartisipar dagiti kameng ti Cabugao Mango Farmers Multipurpose Association, kameng ti Sangguniang Bayan, Opisiales ti DA Probinsial (OPAG) ken Regional Office (HVCDP), DA-LGU ken Opisiales ti Federated Mango Associations ti Ilocos Sur iti Pebrero 15, 2013 iti NISTC-Cabugao Public Market, Cabugao, Ilocos Sur.    Nairugi ti programa babaen iti naangay a Ceremonial Mango Tree Planting iti Municipal Lot ti Brgy. Baclig, Cabugao, Ilocos Sur nga indauluan ni Mayor Ediboy ken Cutting of the  Ribbon da Mayor Edgardo “Ediboy” S. Cobangbang, Jr. ken Regional HVCDP  Coordinator Angel Padilla a naangay  met iti pasdek ti Mango Buying Station  iti Public Market Compound.     Opening Prayer ni Mr. Orlino Balangatan idinto ta  Philippine National Anthem ni Mrs. Ester P. Aguimbag, AT-HVCDP Coordinator. Binagi met  Mr. Rodrigo T. Abad, Vice President, CMFMPA ti Welcome Address. Acknowledgement of Guests and Participants ni Municipal Agriculturist Zenaida S. Andrada. Overview and History of the Association ni Mr. Guarino Savellano, Secretary, CMFMPA.

Iti mensahe ni SBM Benedict M. Savellano, Committee Chair on Agriculture, imbinsana ti pateg ti Orchard kas iti mangga a produkto a nakaigapuan ti pannakatulong ti LGU kadagiti agmangmangga (agmulmula, traders, ag-spray). Innaigna ti maar-aramid ita a Soil Mapping Fertility ti pannakairaman dagiti Orchard iti soil analysis. Kinaritna ti asosasion a gundawayanda koma iti naintek  a  programa ti LGU iti Agrikultura ken panagbalin nga agricultural center ti Cabugao iti mabiit.

Imbunannag met   ni Assistant Provincial Agriculturist Editha Castillo iti panaglatak ti ili a Cabugao a kaaduan ti nagun-od ken naibanag a proyekto iti agrikultura a mangitagtag-ay  ti kasasaad ita dagiti mannalon. Pinadayawanna ti kinagaget dagiti lideres   ti LGU Cabugao nga idauluan ni Mayor Edgardo “Ediboy” S. Cobangbang, Jr. iti panangilatangna iti pagsanggiran dagiti mannalon a pundo tapno magun-odda dagiti kasapulan a makinaria, panagsanay ken teknolohia iti naballigi a panagmulmula. Inikkanna pay ti pateg ti “processing” nga aspeto ti pakausaran ti bunga ti mangga tapno mapadur-as daytoy nga industria ditoy probinsia.

Bininsa met ni Mr. Angel Padilla, Regional HVCDP Coordinator dagiti nasamay a wagas ti panagpatanor ti nakalidad  a bunga ti mangga nangruna iti  pang-eksport. Inyunay-unayna ti pannakasanay dagiti mango growers iti  maipapan iti “bagging” tapno mapagtalinaed ti napintas a klase ti mailako a bunga ti mangga iti Merkado.

Pinasingkedanna ti “commitment” ti DA-RFU 1 partikular iti Mango Industry iti pannakatulong dagiti agmangmangga ken pakairamanan met dagiti agmulmula ti nadumaduma a nateng.

Kimmablaaw ken nagyaman ni Mayor Ediboy iti batangna a nagsarita. Talek, gundaway, ken pammati ti kaipapanan ti Mensahena kadagiti naitabuno. Impaganetgetna a maaywanan koma ken mapadakkel ti pundo ti asosasion a naited. Babaen itoy, agkonsuelo ti LGU   a mangnayon  ti maited a proyekto kas iti naaramiden ti dadduma nga asosasion.  Ti supapakna ket napintas ti tawiden ti sumaruno nga agidaulo ken kameng. Kanayonan daytoy, ugali  ti agdama  a liderato nga amin a pundo ket maibanag nga agserbi para iti  pagsayaatan  ti tao ken iti sapasap.
Nalaus met ti panagyaman ti asosasion babaen iti anag ti Closing Remarks  ni Mrs. Faith Sabio, Presidente ti CMFMPA  iti “unending support” ti LGU ken DA. Dinakamatna ti bileg ti parapo nga: “If we hold on together!” Agtitinnulong, Napigpigsa!

Imbatadna pay  a kayatda ti mangibati iti “legacy” ti asosasion ta nag-revolve ti n aited a pundo ken naganak ti sabali a pundo. Pinagyamananna pay dagiti nadumaduma a sanga ti Gobierno a nakatulong kadakuada kas iti DA, BFP iti Mango Tree Planting ken kangrunaan  ti LGU Cabugao.
Nakikaysa met iti nasao a taripnong da Vice Mayor Danny Q. Gazmen, SBM Vicky S. Serna, SBM Josefina S. Vallejo, SBM Benedict M. Savellano ken SBM Carlos V. Sison ken Personnel ti SB ken DA-LGU.

Nag-Emcee ni Mrs. Joenah G. Sevilleja. # (Web In-Action)