Cabugao, Ilocos Sur – Kaaduanen a mannalon ti nagmula ti lasona, maysa a cash crop ti Munisipalidad a mangnaynayon ti matgedan dagiti mannalon iti Dry Season Crop 2012-2013 (Nobiembre-Mayo).Imbatad ni Municipal High Value Crop Development Program Coordinator Ester P. Aguimbag nga umabot ti 160 a bags @ 20 kilos ti naibunong kadagiti mannalon iti nadumaduma a barangay nga agregget nga agmula ti Batanes a klase ti Lasona. Plant Now Pay Later (PNPL) ti kasasaadna daytoy a maimula manipud iti Departamento ti Agrikultura (DA) ken ipatungpal ti DA-LGU ti programa.
Iti pannaki-amad ti Web In-Action iti Pebrero 12, 2013, imbatad ni Kagawad Benigno Piros ti Brgy. Rizal nga indauluanna dagiti padana a mannalon a nagmula itoy a klasena a lasona ta mangnamnamada a makaapitda ti nabuslon gapu ta naipanawen ken napintas ti klase ti daga a nagmulaanda.
Insupusopda ti panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti agtultuloy a panangitedda ti importansia iti kasapulan dagiti mannalon a maimula a mangnayon pay ti income-da a mannalon. # (Web In-Action)
No comments:
Post a Comment