Immuna a naangay ti Programa sakbay a naited ti Premio ken Plake dagiti nangabak. Impaay ti Provincial Government Ilocos Sur (PGIS) ti Doxology, National Anthem ken Ilocos Sur Hymn. Nangted ti Welcome Remarks ni Board Member Atty. Robert Tudayan. Kimmablaaw ket bininsana ti pateg ti Siglat Awards 2012 a “Pammadayaw Kadaguiti Nasisiglat” a naipaset iti kalleppas a 6th Kannawidan Ylocos Festival iti Quirino Stadium, Vigan City. Imbatad SPM Tudayan iti naballigi a resulta daytoy a programa ti Gobierno Probinsial gapu iti napintas a pannakipaset dagiti 18 a Munisipalidad/Siudad ti Probinsia.
Kalpasan ti intermission number ti Culture and Arts Runner-up manipud iti Brgy. Palacapac, Candon City, nangipaay ti Mensahe ni Vice Gov. Deogracias Victor B. Savellano. Imbatad ni Vice Gov. DV a no makipartisipar ti amin nga LGU’s kadaytoy a pasalip ket lumag-an ti trabaho dagiti agidadaulo. Innayonna a malaksid ta adda latta mainayon a kategoria ti mapagkokontesan iti tinawen, dagiti “Grandslammers” ket masustener ti partisipasionda ta mairamanda latta a mabisita iti barangayda ken maikkan ti Premioda. Insupusop pay ti Vice Governor a dagiti kategoria ket pagbasaranda pay iti mailunsad a panag-training dagiti opisiales a maawagan iti Barangay Academy iti Ilocos Sur Community College (ISCC) tapno mayagpang ti kabaelanda ken mapasayaat iti panag-documentationda.
Inted met ni DILG Provincial Director Victoria Ramos ti Guidelines/Mechanics of Evaluation Of Siglat Entries. Imbatad ni Director Ramos a maysa laeng ti Siglat Awards ti Ilocos Sur a programa iti intero a Region 1 a mangbigbig ti kabaelan dagiti LGU Leaders. Innayonna nga agtultuloy latta ti pannakanayon ti kategoria a mapagsasalipan a kas kuna ni Vice Gov. DV ken imbinsabinsana pay dagiti mainayon nga awards ti LGU’s a mayimplimentar babaen ti DILG malaksid iti Seal of Good Housekeeping a nangabakan manen dagiti 32 nga LGU’s agraman ti Provincial iti Plake ken Premio iti nabiit. Impalagip pay ni Director Ramos ti pateg iti pannakaipatungpal dagiti napagsasalipan a kategoria ta dagitoy ket “mandato” tapno aramiden ti tunggal LGU Leaders iti panagserbisioda kadagiti masakupanda.
Indauluan ti LGU-Cabugao dagiti ili ti Ilocos Sur kas iti Sinait, Sto. Domingo, Bantay, Vigan City, Candon City, Suyo, Del Pilar, Sta. Cruz, San Vicente ken Salcedo ti nagabak kadagiti Major, Minor, Individual ken Maintenance Awards kadagiti Barangay Entries dagitoy. Da Ilocos Sur Vice Governor Deogracias Victor B. Savellano, DILG Provincial Director Victoria Ramos, Board Member Atty. Robert Tudayan, ken President of Provincial League of Barangays, Board Member (Ex-Officio) Mario Subagan iti nagited ti Conferment of Awards kadagiti SIGLAT Winners. Immuna a naited ti Premio ken Plake kadagiti Individual Awards, naisaganad ti Major Awards a nangbayabayan dagiti Municipal Mayors a makasakup kadagiti nagawat ti premioda ken plake.
Naaramid ti pannangted ti “Response” from the Awardees: Punong Barangay Danny Garcia ti Brgy. Dardarat, Cabugao, Ilocos Sur ken Brgy. Secretary Ms. Melita S. Bustamante iti Brgy. Calaoa-an, Candon City.
Naited met ti Conferment of “Kasiglatan” City/Municipality Award nga inyalat ti LGU-Cabugao ti Umuna a Puesto, LGU-Sta. Cruz, maikadua ken Candon City, maikatlo a puesto.
Impeksa ni Mayor Edgardo S. Cobangbang, Jr. ti ili a Cabugao, Ilocos Sur iti “Response from the Kasiglatan” kas Local Chief Executive iti ragsak ken panagyamanna ken kadagiti kailianna iti pannakagun-odda ti kaaduan a premio. Kinaritna dagiti dadduma nga Ili ken Siudad ti pannakikaysada kadaytoy a pasalip kas pagsarmingan iti panangannongda iti pagrebbenganda iti masakupanda.
Kalpasan a naited ti Certificate of Appreciation iti Siglat Partner Agencies & Evaluation Team, impaay ni Board Member Mario Subagan ti Closing Remarks a pinagyamananna iti amin a nakigamulo kadaytoy a pasalip ken iti naballigi a resultana ken pannakapadayawda.
Dagiti Siglat Barangay Entries a nangabak ti Cabugao ket ti sumaganad:
Most Healthy Barangay, Pug-os; Best Implementer in Solid Waste Management-Bonifacio; Best in Coastal Management and Protection-Dardarat; Best in Nutrition program Implementation-Bonifacio; Best in Agricultural Productivity-Turod Patac; Best in Fish Production and Aqua Culture Development (Small Scale)-Dardarat; Best Performing Barangay-Pug-os; Best Innovative Practice-Dardarat; Best in PWD Progfam Implementation-Bonifacio; Outstanding Farmers Association-Bungro; Outstanding 4-H Club-Pug-os; Outstanding Lupong Tagapamayapa-Pug-os; Outstanding BNS-Bonifacio; Cleanest and Greenest Barangay-Dardarat, 2nd Runner-up, Dardarat; Outstanding Punong Barangay, 1st Runner-up, Pug-os; Outstanding Sangguniang Barangay, 1st Runner-up-Pug-os; Best in BIG, 2nd Runner-up-Bonifacio; Best in Barangay Tree Park, 1st Runner-up, Lipit; Best Barangay Herbary, 1st Runner-up, Bonifacio; Most Functional BADAC, Aragan; Best in Elderly Program Implementation, 1st Runner-up, Bonifacio; Best in Tourism Promotion, 2nd Runner-up, Pug-os; Best in Organic Program Implementation-1st Runner-up, Pug-os; Best in Organic Program Implementation, 1st Runner-up, Pug-os; Outstanding Barangay Based Cooperative-1st Runner-up, Sagayaden, Outstanding Fishermen Association-Namruangan, 1st Runner-up, Namruangan; Outstanding BHW, 1st Runner-up, Carusipan, Outstanding Barangay Secretary, 2nd Runner-up, Pug-os; Best in Sports and Program Implementation-2nd Runner-up, Bonifacio; nainayon ti Maintenance Award-Brgy. Pug-os, Herbary, Innovative Practice, Gender and Development (GAD) ken Child Friendly Barangay.
Nakidanggay met dagiti Alkalde Munisipal ken pannakabagi ti nangabak nga ili: Mayor Marlon B. Ines,Sinait; Mayor Estrella Hernaez, Sta. Cruz; Mayor Luz Villalobos, Del Pilar; ken Mayor Samuel Subagan, Suyo; Vice President, Provincial Councilor’s League, Hon. Rosamante Reyes; SB Member Erlinda Figueroa, Salcedo; ken SB Member Malou Ragucos, Sta. Cruz.
Nakipaset met dagiti Opisiales ti LGU-Cabugao nga idauluan ni Mayor Edgardo S. Cobangbang, Jr. a kaduana da Vice Mayor Danny Q. Gazmen, SB Member Benedict M. Savellano, ABC President, Brgy. Captain Teddy U. Soller, Barangay Officials ti Winning Entries ken Head/Personnel ti dadduma nga Opisina ti LGU-Cabugao a nangbayabay kadagiti winning barangays.
Nagpaay nga Emcee ni Mr. Ferdinand “Joy” R. Concepcion, PSWD Officer. # (Web In-Action)
No comments:
Post a Comment