NAGTAKIPEN TI SITIO CALLAGUIP KEN SITIO LUSONG SUYO

Cabugao, Ilocos Sur – Iti panagbisita ti Web In-Action iti Pebrero 7, 2013, nagkamangen ti naluktan ken mabukbukel  a kalsada iti nagbaetan ti Sitio Lusong Suyo ken Sitio Callaguip, agpada a masakupan ti Brgy. Baclig, Cabugao, Ilocos Sur.

Nupay kasta, agtultuloy a manayonan ti graba ti lansad ti kalsada babaen ti dumptruck  ti Gobierno Probinsial. Daytoy a  proyekto ket nagbuligan nga inggannuat  da  Gov. Luis “Chavit” Singson, Vice Gov. DV Savellano ken Diputado Ryan Luis V. Singson ken babaen ti panangilungalong ni Mayor Edgardo “Ediboy” S. Cobangbang, Jr. kasta met ni  SBM Carlos V. Sison.

Iti agtultuloy a pannakapasayaat ti kaluklukat a kalsada, manamnama a manayonan ti agdappat a tattao  ken umaktibo ti economic activity ditoy a lugar. # (Web In-Action)