Monday, February 4, 2013

PAYAO PROJECT, NAITED ITI 4-H CLUB NAMRUANGAN

Cabugao, Ilocos Sur – Naideliber ti pakabuklan ti Payao Project (Shallow) a maited kadagiti kameng ti 4-H Club ti Brgy. Namruangan, Cabugao, Ilocos Sur idi Enero 30, 2013. Buklen daytoy ti 1 roll PP Rope ken 20 Fiber Floater.

Naaramid ti Orientation and Dialogue iti nagbaetan ti BFAR Officials, DA-LGU Staff  ken 4-H Club Officicers idi Pebrero 1, 2013 ket naisuro ti assemble/establishment ti nasao a Payao Project.
Iti pannaki-amad ti Web In-Action iti Pebrero 5, 2013, imbatad ni Mrs. Joenah G. Sevilleja, Municipal 4-H Club Coordinator a mangted pay ti BFAR ti P1,800 a gastosen  ti asosasion iti 8 nga anchor idinto ta  2 nga anchor ti pannakabagi dagiti recipient. Agdagup ti 10 a maaramid nga anchor.


Nagatendar iti nasao a panagtitipon da Mr. Belmor Bugaoan, Regional Fishery Coordinator, Mr. Mario Racho, Aqua II ken Mr. Arman Racuya, Technical Staff kasta met iti Sangguniang Bayan nga idauluan ni Vice Mayor Danny Q. Gazmen a kaduana da SBM Vicky S. Serna, SBM Benedict M. Savellano, SBM Carlos V. Sison, Brgy. Captain Robertson Gorospe  ken dagiti  pannakabagi ti DA-LGU Cabugao.


Ti pannakaited dagitoy a proyekto ket paset ti programa ken  panagkammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ni BFAR Regional Director Nestor D. Domenden, CESO V tapno maikkan ti tulong dagiti agindeg iti igid ti baybay  iti proyekto a mayataday iti pagsapulanda. # (Web In-Action)


No comments:

Post a Comment