PLANNING DIVISION TI DA-RFU 1, IMMAYDA NAG-INSPEKSION

Cabugao, Ilocos Sur – Nakikoordinar dagiti pannakabagi ti Planning Division ti DA-RFU 1, San Fernando City, La Union iti LGU-Cabugao pakaseknan ti panagbisitada iti dua a  Multi-purpose Drying Pavement  (MPDP)   a naipasdek idiay Barangay Baclig, Cabugao, Ilocos Sur babaen ti BACALL MPA nga idauluan ni Mr. D. Reynold Sabio iti Pebrero 14, 2013 ken idiay Barangay Daclapan, Cabugao, Ilocos Sur a bagi  iti Daclapan FA.

Immuna a nagturong ti grupo iti Sitio Lusong Suyo, Brgy. Baclig a nakaidissuan ti MPDP. Kinuyog ni Mr. Edgar S. Balangatan, AT/DA-LGU dagiti nagbisita. Kalpasan ti naaramid nga interbiu ken ni FA President Sabio, dimmagas dagiti pannakabagi ti DA-RFU 1 iti disso ti Palay Shed ken Flatbed Dryer ti Asosasion iti isu met  la a lugar.

Idi agangay, nagturong ti Inspection Team  iti disso ti  MPDP ti Daclapan Farmer’s Association nga idauluan ni Mr. Ireneo Frando, Brgy. Daclapan, Cabugao, Ilocos Sur ken kinuyog ida ni Mr. Edgar S. Balangatan. # (Web In-Action)