INFO-DRIVE TI UNP ITI STUDENT LEADERS, NAANGAY

Cabugao, Ilocos Sur- Maangay ti 2-Day Information Drive babaen iti Tema: “Engaging and Empowering the Youth and the Communities Through the Social Sciences” iti Pebrero 8-9, 2013 a pagpartisiparan dagiti napili nga Student Leaders ti lima  a Secondary Schools ti ili a Cabugao kas iti Cabugao National High School (Turod),  Pug-os National High School, Sisim National High School, Lipit National High School ken Cabugao Institute.
Maang-angay daytoy a taripnong iti Conference Hall, Cabugao South Central School, Brgy. Bonifacio, Cabugao, Ilocos Sur.

Kalpasan ti Invocation ken pannakakanta ti National Anthem babaen iti Personnel ti  UNP Extension Office, impaay ni Prof. Eleanor R. Belizar ti Presentation of Participants and Extensionists. Kalpasan ti Welcome Remarks ni SB Member  Vicky S. Serna, Committee Chair on Education, impresentar ni Dr.  Jean S. Dumbrique ti Rationale and Objectives of the Information Drive.

Kimmablaaw ken nagyaman ni Mayor Edgardo “Ediboy” S. Cobangbang, Jr. iti pannakipasetna kadaytoy a taripnong dagiti agtutubo ken mangisursuro iti  Unibersidad. Impeksa ti Ama ti Ili   kadagiti agtutubo nga imutektekanda a nasayaat   dagiti  mayadal a  paglintegan a mangiliklik kadakuada iti Juvenile and Teenage Problems tapno agbalinda a mapangnamnamaan a sanggir ti kagimongan. Naipaayan ni Mayor Ediboy iti Token babaen iti Staff ti UNP.
 
Naisaruno a naglektiur ni Professor Cid A. Javier maipapan iti  RA 9344-Juvenile Justice and Welfare Act ken naisaganad ti Good Governance and Community Development ni Dr. Jean S. Dumbrique.

Kamalmanna, natratar ti Awareness on Issues Regarding the Reproductive Health Law babaen ken ni Prof. Crizzle B. Paz; Dealing with Peer Pressure and Cyber-Bullying ni Prof. Bonna Mae S. Gorospe; ken Basics of Taxation ni Prof. Avelina J. Tabios.

Kangrunaan a panggep ti Department of Science  and Philosophy and UNP Extension Office ket  maimpormaran dagiti agtutubo kadagiti lokal ken nasional nga isyu a pakaapektaranda  tapno agbalinda nga aktibo a kakinnibin  ti Gobierno iti panagdur-as. # (Web In-Action)