NINIO JESUS, NABARA TI PANANGABRASADA DITOY MUNISIPIO

Cabugao, Ilocos Sur -  Naisarungkar ti imahen ni Ninio Jesus iti Munisipio babaen kadagiti kameng ti Women of the Philippine Independent Church (WOPIC) iti Iglesia Filipina Independiente (IFI)- Quezon, Cabugao, Ilocos Sur iti Pebrero 4, 2013.

Sinarabo dagiti empleado ti Munisipio a nakaisurnadanna agraman iti Opisina ti Hepe Ehekutibo ti ili.  Inabrasa ni Mayor Edgardo “Ediboy” S. Cobangbang, Jr. agraman dagiti Personnel ti Mayor’s Staff ken nairagup  ni SB Member Dr. Jemaima Soller Tan-Yee.

Sakbayna, immuna  a  naisurnad   ditoy  Munisipio ken kada Departamento  iti LGU ti Ninio Jesus babaen ti Women’s Group ti Iglesia Romano Katolika  ti  Barangay Rizal idi Pebrero 1, 2013 a ditoy ket nabara met ti panangabrasa dagiti Opisiales ken Empleado ti Munisipio a nakaidanonanna.
Daytoy a pannakaisurnad ti Ninio Jesus iti sapasap a pagtaengan ken pasilidades ket tinawen a maar-aramid  babaen iti  Iglesia Romano Katolika ken Iglesia Filipina Independiente (IFI) iti Munisipalidad . # (Web Situational Report)