NAALAANEN TI SOIL SAMPLES TI BRGY. SISIM KEN ARAGAN

Cabugao, Ilocos Sur – Naalaanen ti Soil Samples ti Brgy. Sisim ken Aragan idi Pebrero  14 ken 15 babaen kadagiti Technical Staff ti Soil Fertility Mapping Project of Cabugao nga idauluan ni Ms. Eugenia A. Briones.

Iti pannaki-amad ti Web In-Action iti Pebrero 18, 2013, imbatad ni Ms. Briones a leppasenda nga interbiuen dagiti maseknan a mannalon nga akindaga kadagiti naalaan ti soil samples kadagiti barangay a napananda iti dayta nga aldaw.

Innayon ni Ms. Briones iti panangikagumaananda a maipaamiris  ti resultana  ti umuna a 50 Soil Samples agingga inton Abril 22, 2013.

Kabayatanna, agtultuloy latta a maisayangkat ken mayeskediul ti  papan ti Team  kadagiti dadduma a barangay para iti Soil Sample Gathering. Tumartarabay ni SBM Benedicto  M. Savellano, Committee Chair on Agriculture ken dagiti Field Personnel ti DA-LGU  kasta met dagiti Opisiales idi batang ti Brgy. Sisim ken Aragan nga indauluan da Brgy. Captain Ruben Siruno ken Brgy. Captain Modesto B. Ronque kas panagsaganadda. 

Ti Soil Fertility Mapping Project of Cabugao  ket nagkammayet a programa ti Bureau of Soils and Water Management (BSWM)-Manila ken ti LGU Cabugao nga idauluan ni Mayor Edgardo “Ediboy” S. Cobangbang, Jr. tapno maikkanen  dagiti mannalon iti pannaka-bibliada a pagbasaranda iti iganaganda  iti  mulada tapno maipasigurado ti napintas nga apitenda.  # (Web Situational Report)