Cabugao, Ilocos Sur – Iti panagmiting dagiti Opisiales ken Kameng ti Cabugao Federated Senior Citizens idi Nobiembre 17, 2015, nadakamat ti panangyalat dagiti Senior Citizen Dancers ti ili a Cabugao iti kalkalpas a Provincial Elderly Month Celebration iti Probinsia ti Ilocos Sur itay nabiit idiay Vigan Convention Center, Heritage City of Vigan.
Iti pannakimiting ni ni Mayor Edgardo “Ediboy” S. Cobangbang, Jr. kadakuada iti dayta a petsa, impeksa ti Ama ti Ili iti ragsakna ta mairaman met ti ili iti pakaidaydayawan dagiti nataengan ket dayta ti pakakitaan iti tunos ken regtada a makigamgamulo kadagiti programa para kadagiti nataengan iti munisipal ken probinsial a benneg.
Segun ken ni Mayor Ediboy, malaksid iti P6,000 a premio a maalada ket manayonan pay daytoy a gunggona dagiti nataengan ta kinabaelanda manen nga impakita ken itandudo ti sektor nga ayanda ken pagtuladan met dagiti dadduma a sektor ti kagimongan.
Innayon met ni Mr. Bonifacio Somera, Presidente, nga iti benneg ti Folk Dance (Baingles) ti nangabakan dagiti Senior Citizen ti ili a Cabugao ket impeksana ken pakairamanan dagiti kaduana nga opisiales ken miembros ti Senior Citizen iti naan-anay a panagyamanda iti Ama ti Ili ken ti Probinsia ta maikkanda iti premioda iti nangabakanda a salip iti partisipasion dagiti nataengan.
Iti nasao a selebrasion, timmarabay met da OSCA Head Remigio Sunico; MSWD Assistant Leonora G. Reintar ken ni Mrs. Lucila S. Somera, Coordinator dagiti nataengan. # (Web In-Action)
Iti pannakimiting ni ni Mayor Edgardo “Ediboy” S. Cobangbang, Jr. kadakuada iti dayta a petsa, impeksa ti Ama ti Ili iti ragsakna ta mairaman met ti ili iti pakaidaydayawan dagiti nataengan ket dayta ti pakakitaan iti tunos ken regtada a makigamgamulo kadagiti programa para kadagiti nataengan iti munisipal ken probinsial a benneg.
Segun ken ni Mayor Ediboy, malaksid iti P6,000 a premio a maalada ket manayonan pay daytoy a gunggona dagiti nataengan ta kinabaelanda manen nga impakita ken itandudo ti sektor nga ayanda ken pagtuladan met dagiti dadduma a sektor ti kagimongan.
Innayon met ni Mr. Bonifacio Somera, Presidente, nga iti benneg ti Folk Dance (Baingles) ti nangabakan dagiti Senior Citizen ti ili a Cabugao ket impeksana ken pakairamanan dagiti kaduana nga opisiales ken miembros ti Senior Citizen iti naan-anay a panagyamanda iti Ama ti Ili ken ti Probinsia ta maikkanda iti premioda iti nangabakanda a salip iti partisipasion dagiti nataengan.
Iti nasao a selebrasion, timmarabay met da OSCA Head Remigio Sunico; MSWD Assistant Leonora G. Reintar ken ni Mrs. Lucila S. Somera, Coordinator dagiti nataengan. # (Web In-Action)
No comments:
Post a Comment