Cabugao, Ilocos Sur – Agtultuloy latta ti pannakaisagana dagiti kasapulan iti pannakaangay ti Ilocos Sur Schools Division Sports Competition 2015 (Provincial Meet) iti Cabugao Athletic Oval a mangrugi inton Nobiembre 30 agingga iti Disiembre 4, 2015.
Nakasagana ti Track and Field Oval/Athletic Ground ta agtultuloy a maaramid ti panagsanay dagiti Atleta iti Ball Games ken Athletic Games ditoy a maysa kadagiti kangrunaan itatta a pasilidad ti Sports a pakaang-angayan dagiti Sports Activities ti DepED ken masarakan daytoy a pasilidad iti abagatan ti Cabugao South Central School, Brgy. Bonifacio. Cabugao, Ilocos Sur.
Ita pay, kaaduan nga umay agsansanay ket dagiti napili nga atleta a pannakabagi ti nadumaduma a Unit pakairamanan ti pribado a pageskuelaan a mangbukel iti Unit 5 a mangibagi iti mapaspasangasangan nga Schools Division Sports Competition (Provincial Meet) a maangay inton Nobiembre 30-Disiembre 4, 2015 ditoy a disso. # (Web In-Action)
No comments:
Post a Comment