Cabugao, Ilocos Sur – Nai-award ti pakabuklan ti Gillnet Set with Raft (Rakit) kadagiti 4 P’s Beneficiaries a nag-training iti SLP kadagiti uppat a Barangay: Brgy. Sabang, Brgy. Salomague, Brgy. Salapasap ken Brgy. Pug-os, Cabugao, Ilocos Sur idi Nobiembre 24, 2015.
Dagitoy ket impaay ti Sustainable Livelihood Program (SLP)-DSWD ken inlungalong ti Gobierno Munisipal iti Cabugao nga idauluan ni Mayor Edgardo “Ediboy” S. Cobangbang, Jr.
Nakikaysa iti pannakaited dagitoy a ramit-pagkalap kadagiti Recipients da
SBM Benedicto M. Savellano, Committee Chairman on Agriculture and Fisheries; SBM Vicky S. Serna; SBM Danny Q. Gazmen; SBM Josefina S. Vallejo; SBM Atty. Bryan Jett S. Pano; MSWD Officer Mrs. Lydia S. Gazmen; Mr. Dennis Aguimbag, SLP Officer, DSWD; Brgy. Captain Arnold “Bambi” V. Yangat ken dagiti 4 P’s Beneficiaries a nag-training kadagiti nadakamat a barangay.
Daytoy a pagimbagan ket nagubuay iti panangikalikagum ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakabadang dagiti makasapul iti pagbiagan ken iti agtultuloy a pannakailungalong kadagiti maseknan nga Ahensia a kas iti DSWD kadagiti proyekto a maiyannatup a para iti pagsayaatan dagiti umili ti Cabugao, Ilocos Sur. # (Web In-Action)
No comments:
Post a Comment