PENTA VACCINE, NAITED KADAGITI UBBING ITI BARANGAY BACLIG

Cabugao, Ilocos Sur - Naaramid ti panagbakuna iti Penta Vaccine babaen kadagiti Nurses iti RHU-Cabugao  ken kadagiti Barangay Health Workers (BHW’s) ti Barangay Baclig itay nabiit. 

Segun ken ni Dr. Bernardino P. De Gracia III, Medical Officer III  ken OIC Municipal Health Officer ket maibakuna daytoy kadagiti maladaga nga  1 ½  a bulan  agingga iti uppat a bulan ti edadna.

Innayon ni Dr. De Gracia nga adda pay mapaspasangasangan a maibakuna kadagiti ubbing nga Anti-Neumonia Vaccine nga isayangkat iti RHU-Cabugao.

Tinarabay dagiti Opisiales ti Barangay Baclig nga idauluan ni Brgy. Captain Carlos V. Sison daytoy a  napasamak nga aktibidad ti salun-at para kadagiti ubbing iti lugarda. # (Web In-Action)