2015 DISTRICT MATH FESTIVAL, NAANGAY ITI CABUGAO SCS

Cabugao, Ilocos Sur – Naangay  ti 2015 District Math   Festival para iti 26 a pageskuelaan ti Cabugao DepED District a nakabuklan ti 468 a napili nga agad-adal nga agkokontes itay nabiit iti Social Hall ken School Rooms iti Cabugao South Central School, Brgy. Bonifacio, Cabugao, Ilocos Sur a nangkuyogan dagiti nagannak/Guardians kadagiti ubbing  a nangipakita iti kabaelanda iti pannakisalipda kadaytoy nga asignatura.

Umuna a naangay ti ababa a programa iti Social Hall  sakbay a naaramid ti Contest Proper a pakabuklan ti Math Quiz, Damath Competition, Rubik’s Cube Challenge, Suduko Challenge ken ti Math Relay. 

Nangipaay ti Welcome Message ni Mrs. Melvi S. Sajonia, ES Principal II, Cabugao South Central School. Presentation of Participants ni Mrs. Filipina  Serrano, School Math Coordinator, CSCS.

Nangipaay ti Inspirational Message da Mayor Edgardo “Ediboy” S. Cobangbang, Jr.; SBM Dr. Jemaima S. Tan-Yee, Committee Chairman on Education; ken ni Dr. Consesa T. Rumias, Ed. D., Public Schools District Supervisor ken Orientation met ti binagi ni Mr. Rodel P. Suniega, District Math Coordinator.  

Nadutokan dagiti Math Quiz Examiners manipud Grade 1 agingga iti Grade VI ken napusgan dagiti Damath Arbiters,  Math Relay Facilitators ken Rubik’s Cube Challenge a buklen dagiti School Heads ken mangisursuro iti nadumaduma a pagadalan.

Sakbayna, nasanay dagiti kangrunaan a napili nga ubbing iti tunggal pageskuelaan a naisangal iti MTAP, Math Quiz ken Math Challenge a nakasagatan dagiti dakkel ti kabaelanna/potensialna  nga ubbing  a makikontes.

Daytoy a programa ket paset ti panangpadigem ti kabaelan dagiti ubbing babaen iti panangirusat ti Departamento ti Edukasion (DepED) tapno maisaganada para iti masanguanan a pannakatennebda pay iti daytoy a paglaingan dagiti agbasbasa.

Nakipaset met dagiti Opisiales ti Benneg ti Matematika iti  DepED Cabugao District Matari Officers nga idauluan ni Mrs. Nora R. Quibilan, Presidente. 

Kalpasan ti Contest Proper, naipakaammo dagiti nangabak nga ubbing ket naited dagiti Awards ken Certificates-da  iti nakisalipanda.  # (Web In-Action)