PAGSAYAATAN, NAGUN-OD TI DUA NGA ASOSASION TI CABUGAO

Cabugao, Ilocos Sur – Nagun-od ti  dua nga asosasion ti   tallo a ramit a  pang-agrikultura manipud iti DA-RFO  1 idi Nobiembre 19, 2015 ken innalada dagiti nasao a ramit  iti INREC-DA Provincial Center, Batac City, Ilocos Norte.

Dagiti sumaganad a ramit ket dua a Knapsack  Power Sprayer nga adda generator-na a saggaysada iti  babaen ti BACALL MPA nga idauluan ni Mr. Dominador Reynold S.  Sabio, Presidente ken ni Mr. Regino S. Balangatan, Presidente ti PISAN Diversion Dam Irrigator’s Association ti Brgy. Sagayaden, Cabugao, Ilocos Sur. Adda pay Grasscutter a nagun-od ti BACALL MPA.

Naawat dagiti nadakamat nga Asosasion dagitoy babaen iti 85-15 % Counterpart Scheme ken  iti panangilungalong ti LGU Cabugao iti Rice Banner Program, DA-RFO 1, San Fernando City, La Union.

Daytoy a programa ket paset ti pannakapapigsa dagiti asosasion babaen iti panangtarabay ti Gobierno Munisipal iti pannakaidur-as ti Sektor-Agrikultura a kangrunaan a pagbiagan dagiti umili.

Indauluan ni Acting Municipal Agriculturist Robert S. Savella  ken dagiti Staff-na a nangimatang iti pannakaisangpet dagitoy a nasao a ramramit iti sango ti Munisipio. # (Web In-Action)