Cabugao, Ilocos Sur – Inyallawat dagiti Municipal Officials nga idauluan ni Mayor Edgardo “Ediboy” S. Cobangbang, Jr. iti nagun-od ti dua nga Asosasion a tallo a ramit a pang-agrikultura manipud iti DA-RFO 1 iti Nobiembre 23, 2015 ken naggapu dagiti nasao a ramit iti INREC-DA Provincial Center, Batac City, Ilocos Norte.
Naaramid ti pannakaiyallawat dagiti nasao a ramit kadagiti benepisiario nga Asosasion a kas iti BACALL MPA ken ti PISAN (Pila-Sagayaden) Diversion Dam Irrigator’s Association a pakabuklan ti
dua a Knapsack Power Sprayer nga adda generator-na ken maysa a Brushcutter iti Nobiembre 23, 2015 iti Opisina ti Mayor.
Naawat dagiti nadakamat nga Asosasion dagitoy babaen iti 85-15 % Counterpart Scheme ken iti panangilungalong ti LGU Cabugao iti Rice Banner Program, DA-RFO 1, San Fernando City, La Union.
Daytoy a programa ket paset pay laeng ti pannakapapigsa dagiti Asosasion babaen iti panangtarabay ti Gobierno Munisipal iti pannakaidur-as ti Sektor-Agrikultura a kangrunaan a pagbiagan dagiti umili.
Binayabay met dagiti Konsehales ti ili ni Mayor Ediboy nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Charisma Jayhan Alcid-Tan; SBM Josefina S. Vallejo; ABC President Thaddeus “Teddy” U. Soller; Brgy. Captain Carlos V. Sison; OIC Municipal Agriculturist Robert S. Savella ken ni Mr. Nathaniel B. Galamgam, Municipal FA’s Coordinator agraman dagiti Opisiales ken Kameng dagiti nadakamat nga Asosasion.# (Web In-Action)
No comments:
Post a Comment