Cabugao, Ilocos Sur – Naangay ti Solidarity Meeting dagiti Officiating Officials ken Coaches iti uppat nga ili: Sinait, Cabugao, San Juan ken Magsingal maipapan iti maaramid iti tallo nga aldaw (Nobiembre 11,12 ken ken 13, 2015) a Unit Sports Competition Meet 2015 a no sadino a ditoy ket ag-Host ti ili a San Juan, Ilocos Sur ngem maangay dagiti Games iti Cabugao Athletic Oval, Cabugao South Central School, Brgy. Bonifacio, Cabugao, Ilocos Sur .
Naawis a nagsarita ni Mayor Edgardo “Ediboy” S. Cobangbang, Jr. iti imatang dagiti Opisiales ti Sports iti uppat nga ili a dimmar-ay iti miting.
Kimmablaaw ken nagyaman ti Ama ti Ili iti dinnanggay ken kinaurnos ti kaaduan iti pannakaisagana iti pakaangayan manen daytoy a pasalip ti DepED ita a tawen. Dinakamatna met iti pateg ti programa ti Sports iti benneg ti Gobierno Lokal tapno tumulong a mangipromot kadaytoy a tay-ak ti paglaingan a mainayon a manghulma kadagiti ubbing nga agbalin a nalaing nga agad-adal ken mapangnamnamaan nga umili iti masakbayan.
Impeksa ti Ama ti Ili iti nabara a pammasangbay ti Gobierno Lokal ti ili a Cabugao iti amin nga adda akemna ken agpartisipar iti daytoy nga sports competition. Mangnamnama pay a naballigi ti resulta daytoy a dinnayo ket sidadaan ti Munisipio a tumarabay kadagiti inaldaw a pannakaaramid dagiti mapagsasalipan nga ay-ayam.
Kadua ni Mayor Ediboy a nagatendar iti nadakamat a meeting da SBM Atty. Bryan Jett S. Pano, Committee Chairman on Sports, Mr. Ronel M. Ubaldo, District Sports Coordinator ken ni SBM Benedicto M. Savellano. Naikkan met ti gundaway a nagsarita da SBM Savellano ken ni SBM Pano iti pakaseknan ti Sports. Nakikaysa met ni Mr. Walberto Torres, PTA President iti nadakamat a taripnong.
Kalpasan ti panagsarita ni Mayor Ediboy, naggrupo dagiti Opisiales ti Sports ket pinasiarda dagiti disso a pakaangayan dagiti event nga idauluanda iti Cabugao Athletic Oval. # (Web In-Action)
Naawis a nagsarita ni Mayor Edgardo “Ediboy” S. Cobangbang, Jr. iti imatang dagiti Opisiales ti Sports iti uppat nga ili a dimmar-ay iti miting.
Kimmablaaw ken nagyaman ti Ama ti Ili iti dinnanggay ken kinaurnos ti kaaduan iti pannakaisagana iti pakaangayan manen daytoy a pasalip ti DepED ita a tawen. Dinakamatna met iti pateg ti programa ti Sports iti benneg ti Gobierno Lokal tapno tumulong a mangipromot kadaytoy a tay-ak ti paglaingan a mainayon a manghulma kadagiti ubbing nga agbalin a nalaing nga agad-adal ken mapangnamnamaan nga umili iti masakbayan.
Impeksa ti Ama ti Ili iti nabara a pammasangbay ti Gobierno Lokal ti ili a Cabugao iti amin nga adda akemna ken agpartisipar iti daytoy nga sports competition. Mangnamnama pay a naballigi ti resulta daytoy a dinnayo ket sidadaan ti Munisipio a tumarabay kadagiti inaldaw a pannakaaramid dagiti mapagsasalipan nga ay-ayam.
Kadua ni Mayor Ediboy a nagatendar iti nadakamat a meeting da SBM Atty. Bryan Jett S. Pano, Committee Chairman on Sports, Mr. Ronel M. Ubaldo, District Sports Coordinator ken ni SBM Benedicto M. Savellano. Naikkan met ti gundaway a nagsarita da SBM Savellano ken ni SBM Pano iti pakaseknan ti Sports. Nakikaysa met ni Mr. Walberto Torres, PTA President iti nadakamat a taripnong.
Kalpasan ti panagsarita ni Mayor Ediboy, naggrupo dagiti Opisiales ti Sports ket pinasiarda dagiti disso a pakaangayan dagiti event nga idauluanda iti Cabugao Athletic Oval. # (Web In-Action)
No comments:
Post a Comment