Cabugao, Ilocos Sur – Naangay ti umuna nga aldaw, Nobiembre 11, 2015 iti 3-Day Unit 1 Athletic Sport Competition 2015 (Nobiembre 11-13, 2015) iti nagtitipon a pageskuelaan iti uppat nga ili a kas iti Sinait, Cabugao, San Juan ken Magsingal, Ilocos Sur iti uneg ti Cabugao Athletic Oval, Barangay Bonifacio, Cabugao, Ilocos Sur a nagatendaran dagiti napili nga atleta a mangibagi iti tunggal pagadalan ti kada ili, Officiating Officials, Coaches, mangisursuro ken nagannak a nangtarabay kadagiti annakda a makisinnait iti dayta nga umuna nga aldaw ti panagsasalip iti nadumaduma nga sports events.
Sakbayna, naaramid ti Parada dagiti Delegado; Municipal Officials; Sports Officials ken dagiti Coaches iti aglikmut ti Poblasion sakbay a naaramid ti ababa a programa iti School Stage ti Cabugao South Central School a sumango iti Cabugao Athletic Oval.
Words of Welcome ti inakem ni Mr. Elvis A. Tabugader, Principal II, Unit 1 Chairman. Nagsarita met ni Dr. Consesa T. Rumias, Ed. D, Public Schools District Supervisor, Cabugao District. Kimmablaaw ken nagyaman iti amin a naitaripnong ket pinadayawanna ti ili a Cabugao babaen iti panangidaulo ni Mayor Edgardo “Ediboy” S. Cobangbang, Jr. a pakaangayan ti pasalip ti Unit 1 ta daytoy ti kasisiglatan nga ili iti Probinsia babaen iti Siglat Awards ken iti Seal of Good Governance a nagun-odna a pammadayaw manipud iti DILG. Pinadayawanna pay iti napintas ken nadalus a beaches nga ayuyang dagiti turista kasta metten dagiti napintas a buya kadagiti barangay a napnapananna a nagbisitaan a kas kaidesdestino a Superbisor ti ili a Cabugao.
Simmaganad ti Lighting of the Symbolic Torch babaen iti San Juan Selected Athletes. Kalpasan ti mensahe nga impaay ni SBM Ma. Elaine Sarmiento, Committee Chairman on Education, San Juan, naaramid ti Presentation of Athletic Delegates babaen kadagiti Head iti Athletic Delegation.
Kalpasan a nagmensahe ni Mr. Meneleo B. Palma, CSEE, EPS 1-PESS, naisa ti bandera ti Unit Athletic Flag babaen kada SBM Crescencio Valle ti San Juan ken ni Mrs. Madeline R. Aglibut.
Naisaruno ti panangibagi ni SBM Cresencio Valle ken ni Mayor Benjamin V. Sarmiento a nangted ti mensahena a kas Host nga ili iti daytoy a pasalip.
Naisaganad ti Hoisting of the Delegation Flags babaen iti panangkadua dagiti Superbisor ti tunggal ili kadagiti Mayores-da agraman dagiti PESS Coordinators-da.
Nangipaay ti Affirmation of the Amateur Athletic Oath babaen ken ni Gerald Sambrana, 2015 RIAA Delegate. Intarapnos ni Mr. Meneleo B. Palma a nangibagi ken ni Mr. Jorge M. Reinante, CSEE, CEO VI, CESO V, Schools Division Superintendent a nangideklarar iti panaglukat ti paay-ayam.
Kalpasan ti programa, naaramid ti salip ti Street Dance Competition kadagiti mangisursuro iti uppat nga ili iti kategoria ti elementaria ken ti sekundaria.
Nakikaysa met iti nasao a programa da Mayor Alrico A. Favis, LGU-Magsingal; Vice Mayor DJ Savellano, LGU Cabugao; Vice Mayor Glen Guzman ti LGU Sinait ken kasta met dagiti kameng ti Konseho Munisipal iti ili ti Cabugao. # (Web In-Action)
No comments:
Post a Comment