Cabugao, Ilocos Sur – Kalpasan nga ideklara ni Mr. Meneleo B. Palma, CSEE, EPS-MAPEH ti DepED-Ilocos Sur iti pannakalukat ti paay-ayam ti 2015 Unit-1 Athletic Sports Competition ket narugian dagiti nakaeskediul a panagsalip dagiti Atleta iti uppat nga ili kadagiti sumaganad nga events: Basketball, Baseball, Table Tennis (B&G), Badminton (B&G), Taekwondo (B&G), Softball, Soccer, Volleyball (B&G), Sipa/Sepak Takraw, Lawn Tennis, Athletics (B&G), Arnis (B&G), Boxing, Chess (B&G), ken Gymnastics (B&G).
Kabayatanna, aktibo met a makigamulo iti paay-ayam a mangrugi kadagiti kameng ti Head of Delegation and General Referee kasta metten iti Screening Committee a buklen dagiti pannakabagi iti uppat nga ili agraman dagiti kameng ti Clerk of Course/Recorder ken First Aide a buklen dagiti Unit 1 Nurses and Secondary School Nurses a nakadeploy iti game area.
Naregget met dagiti Multiplier Force nga agrekrekurida iti aglawlaw iti pagay-ayaman a kas kadagiti kameng ti BPATS/Brgy. Tanod ti Barangay Bonifacio; PNP-Cabugao; BFP-Cabugao ken ti Cabugao MDRRMC-Wasar Team.
Naka-stand by met dagiti ambulansia ken Medics tapno maaksionan daras no inkaso nga adda ma-rescue nga atleta iti pagay-ayaman.
Naregta met dagiti Announcer/Presentor iti School Stage a mangipakpakaammo iti pagdurdur-asan ti salip, panagsagana dagiti sumaruno nga agsalip nga ili ken dagiti nangatiw a Team kalpasanna, panawagan iti pakaseknan ti ay-ayam, Atleta agraman dagiti agbuybuya.
Nakipaset met dagiti Konsehales ti ili a dadaulo ti Komite ti Sports partikular ti ili ti Cabugao a Co-Host iti paay-ayam babaen ken ni SBM Atty. Bryan Jett S. Pano ken kadkaduaen dagiti Konsehales ti ili a tumartarabay met iti tallo nga aldaw kadagiti Sports Officials ken Atleta kabayatan iti pannakaaramid daytoy a kompetision.
Buklen dagiti Officiating Officials ti Tournament Managers ken kakaduada iti benneg ti Elementaria ken High School iti tunggal event.
Manamnama nga iti maikatlo nga aldaw, Nobiembre 13, 2015 ket maammuanen dagiti nagballigi a Team iti tunggal event ken mangyalat iti Kampeonato kadaytoy a dinnayo.
Iti Part 1V ti Sports Competition ket maaramidto dita ti Closing Program a pakaammuanto kadagiti nagballigi nga Atleta ket maipresentardanto dagiti napili a makilaok iti masungad nga 2015 Ilocos Sur Division Sports Competition. # (Web In-Action)
No comments:
Post a Comment